خدمة الانترنت فى اسطنها

المدير العام 26/07/07, 01:37 pm

نظرا لكثرة وجود اجهزة كمبيوتر فى اسطنها

تقريبا دلوقتى مفيش بيت الا وفيه كمبيوتر واحد ع الاقل

طبعا موجود خدمة الانترنت فى البلد(adsl)

يا ريت تشاركونا با رائكم ومقترحاتكم حول خدمة الانترنت فى اسطنها

طبعا كلنا عارفين ان الانترنت بقى لغة الحياة ومحدش يقدر يستغنى عنه

وكمان فى تصويت اختار اللى تشوفه مناسب لرايك

املين ان تكون خدمة الانترنت فى اسطنها على اعلى مستوى

محمود عبد الله 26/07/07, 03:07 pm

والله الموضوع ده مهم جدا

انا اعرف ناس كتير بتشتكى من ان الخدمة بتفصل عنهم ساعات كثيرة

لست ادرى لماذا ؟؟؟

يجب مراعاة ذلك من المسئولين

وكان الله فى العون

hero man 26/07/07, 03:17 pm

انا اسمع ان الدى اس ال يعنى سرعتة بتكون كويسة

هنا بصراحة ايام السرعة بتبقى كويسة ايام

بس ايام كتيرة بيبقى العكس

النت بيفصل كتير مش عارف ليه

وكمان السرعة مش كويسة

يا ريت بجد تشوفوا حل لهذه المشكلة

الواحد اتخنق خلاص خدمة الانترنت فى اسطنها Icon_mad

وشكرا

fanan today 27/07/07, 12:34 am

محمود عبد الله كتب:

والله الموضوع ده مهم جدا
انا اعرف ناس كتير بتشتكى من ان الخدمة بتفصل عنهم ساعات كثيرة
لست ادرى لماذا ؟؟؟
يجب مراعاة ذلك من المسئولين
وكان الله فى العون

,

والله يا اخ محمود النت فعلا سيىء جدا

وانا بتكلم عن نفسى ممكن يكون كويس فى منطقة

اخرى بس كل اللى انا اعرفهم بيشكو من قلة سرعة النت

وكثرة انقطاع النت نهائى

ولو فى حد من المسؤلين

موجود معنا فى المنتدى

يريت يساعد ويحسن فى السرعة

وعدم الانقطاع

ميدو 27/07/07, 12:35 am

انا مش عارف اقول ايه على النت ده بس بجد النت ده ملوش لزمه خط التليفون اسرع منه يبقى مش فاست نت لالالالالالالالالالالالالالالالالا يبقى بطى نت ولذلك نرجو من المسئولون الاهتمام بذلك الموضوع لاهميته وشكرا على هذا الموضوع الرائع

أحمد عبيدو 27/07/07, 03:09 pm

رجاء من السادة المسئولين عن شبكة النت فى إسطنها الإهتمام بالشبكة لعدم رضاء الكثيرين عن الخدمة ولكم جزيل الشكر :farao:

زائر 28/07/07, 01:04 am

بصو هيه المشكله ليها اكتر من جانب
اولا الاجهزه اللي في السنترال "ديسلام" غير ملائمه للاستخدام الادمي
ثانيا مع انه معروف انها كده بس بردو ماحدش سائل
ثالثا المفروض انها كانت تتغير من الاول قولنا ماينفعش علشان المشتركين مش كتر ومكانش الطلب علي الدي اس ال كتير ومافيش ماديات وبتاع والكلام ده كله ...اعتقد الحمد لله الكل واخد باله مبقاش في اسطنها بيت مافيهوش كمبيوتر وادخل للواد نت علشان مايلفش في الشوارع طول اليل والنهار يعني خلاص الموضوع بقي شايع وكتير يعني الموضوع بقي منتشر يعني حلينا مشكه الماديات والحمد لله ... نغير بقي.... نحدث ..فين التحديث ....حلني
رابعا رابعا ده بقي متكون من ثالثا ليه ؟؟؟اقولك سبب عدم الاهمام ..اننا راضين بالواقع وساكتين
معاكم ان النت بطئ وبيفصل كتير بس مين بيتكلم مين بيشتكي ولو اشتكيت بتكون ياعيني غلبان وبتطلع المشكله عندك انت مش عنهم وبترجع وانت مقتنع
فا لازم يكون في واقفه جماعيه وجامده ...اصل الدي س ال مش هيشتغل لوحده
انتو واحنا وانا وكلنا اللي مشغلينه يعني من الاخر من غيركم مش هيكون ليه اي لازمه
وده كان رايي

صبحى القاضى 28/07/07, 09:51 pm

بالنسبة للنت وانا خارج البلد وقد يكون البعض يرد ويقول طيب هوة انا حاسس بالمشكلة فى النت ازاى ؟
انا مش عارف اتكلم مع الجماعة فى البيت وذالك لوجود مشكلتين وهما الاولى وهى السائدة هى انقطاع النت فى اوقات كثيرة جدا .
والثانية وهى فى حالة تواجد النت تكون السرعة بطيئة لدرجة انا الصوت يوصل متقطع قد يظن العض انة قد يكون الخطأ من عندى وهنا اقول ان سرعة النت هنا 3 ميجا وايضا حينما تحدث مع احد اصدقائى بمصر احس بالفرق الشاسع فى وضوح الصوت .
وشكرا على افساح المجال لى للاشادة برئيى واتمنى لكم مزيد من التقدم والاهتمام بالمشاكل المحلية

نسر مصر 30/07/07, 01:46 am

السلام عليكم

طبعا انا مش هقول ان النت بطى ولا حاجة هو بصراحة يجماعة ان النت صاروخ وشغال زى الفل

احنا بردو نقول اللى لينا واللى علينا

بس ده بيحصل مرة واحدة فى الشهر

ههههههههههههههههههههه خدمة الانترنت فى اسطنها Lol

وساعات الاستاذ/ (ح.م) بيكرمنا ويخليها مرتين فى الشهر

ورجاء الى كل المعذبين فى استخدام النت فى اسطنها

الواحد مش بيدخل نت احنا بنلعب جيمز على الكمبيوتر

ههههههههههههههههههههههههههه خدمة الانترنت فى اسطنها Icon_geek

ورجاء الى المسئولين عن النت فى اسطنها

ممكن نزود الفترة دى ونخليها 3 مرات وعشان خاطر النبى خليها 4 مرات فى الشهر

طبعا مش هنتكلم عن اسباب سوء النت فى اسطنها ؟؟؟

عارفين النت وحش ليه ؟؟؟

عشان الجو حر هههههههههههههههه خدمة الانترنت فى اسطنها Lol

والناس تعبانة من الحر

يبقى النت لازم يستريح بردو شوية

ويا ريت لو يا خد شور

هيبقى الخط 256 بعون الله 1 ميجا

ههههههههههههههههههههههههههههههه

[center]

[/center]

فارس بلا جواد 03/08/07, 12:08 am

كتب:

1- النت بيفصل كتير مش عارف ليه
2- وكمان السرعة مش كويسة
3- الواحد مش بيدخل نت احنا بنلعب جيمز على الكمبيوتر
4-
عارفين النت وحش ليه ؟؟؟

عشان الجو حر هههههههههههههههه
5- الاجهزه اللي في السنترال "ديسلام" غير ملائمه للاستخدام الادمي
6- [size=25]خط التليفون اسرع منه
7- معاكم ان النت بطئ وبيفصل كتير بس مين بيتكلم مين بيشتكي
8- ؟؟؟اقولك سبب عدم الاهمام ..اننا راضين بالواقع وساكتين
9- السرعة بطيئة لدرجة انا الصوت يوصل متقطع

[/size]

طبعا انا مش هقول راى لان كل الاقتباسات دى هى راى واسوأ من كدة

هههههههههههههههههههههههههههههههههههههههههههههههههههههه

مستر بيبو 03/08/07, 12:41 am

طبعا هقولكم سبب ان النت وحش جدا جدا

ده طبعا عشان النت مريض وعاوز يتعالج ؟؟؟؟؟

على ما اسمع يعنى انه خلى النت عنده سكر وعشان كدة النمل اكل السرعة

ولو هو عنده خبرة او بيحس على ..... طبعا كان حس بالناس

انما تقول ايه بقى اللى ايده فى الميه مش زى اللى ايده فى النار

العواااااااااااااااااااااااااف

محمد عماد بيومي حسن 09/08/07, 12:21 pm

انا كنت ناوي والنيه لله اني اركب نت بس بعد اللي باشوفه اليومين دول من مستوي انا بافكر اني انقل واعيش في اي حته تانيه في مصر

kota123 09/08/07, 02:20 pm

يا جماعه انتو معصبين نفسكو اوى انا قعدت على النت فى كل مكان مصر وبنها واخيرا لقيت السرعه اللى انا عاوزه وهى فى اسطنها هههههههههه بجد السرعه خياليه يارب يبارك فى الى احنا موصلين منه

عمرو عاطف سليم 12/08/07, 03:43 pm

يجماعه ممكن اقول رائي بصراحه .... الي بيكسف من بنت عمه مبيجبش منها عيال يجماعه دا مش نت دا كوسه والله ماشيه كدا مع نفسها يجماعه احنا بندفع اشتراك يمكن في حته تانيه كبير كيك علي الخدمه السيئه الي احنا شغالين عليها يجماعه الاشتراك في كل حته 15 جنيه وايه سرعه صاروخ احنا اللي بنرضي بظلم وساكتين ولا كمان بندفع واحنا مرضيين يجماعه ارجو من شباب اسطنها اخد موقف من الموضوع دا نت البيت احسن منه

زائر 26/08/07, 03:21 pm

بسم الله الرحمن الرحيم

انا ليا تعليق الحقيقه مش رأي بس

انا اعمل في كبرى شركات DSLفي مصر وطبعا السرعه فيها رائعه بس فيه نقطه احب اتكلم فيها وهيا مهمه جدا

انا موصل عندي في البلد بردو والنت في البلد محترمه جدا كسرعه وكخدمة صيانة من الاستاذ حسام ...الناس هتقول اشمعنى او ازاي

انا دلوقتي خطي وخط كل الناس تقريبا سرعته 256 السرعه دي يا جماعه لو خدتها على جهاز واحد هتبقى كويسه جدا جدا واكيد بمعنى كلمة اكيد لو خدتها على 5 او 6 وساعات 11 جهاز زي مسمعت انا فيه ناس موصله كده هيبقى بطيء جدا ودا طبيعي في اي شركه انشالله من امريكا يا جماعه السرعه بتتقسم على الاجهزه المتوصله فا كل جهاز بياخد جزء بيبقى طبعا بطيء.

النقطة التانية مش كل مشاكل بطء الانترنت بتكون من الشركة (طبعا من خلال خبرتي بالموضوع من خلال شغلي في اكبر شركة انترنت في مصر من مدة طويله والمشاكل دي اتهرست فيها) نقدر نقول ان 80% من مشاكل البطء هيا مشاكل شبكه اجهزة او مشاكل اجهزه هاردوير من كرت الشبكه او من نسخ الويندوز العجيبه اللي نازله ومن الفيروسات وبرامج التجسس اللي بتنزل على الاجهزه من غير متحس وتفتح انترنت وتسحب السرعه من غير متحس ولا تظهرلك والشركة بتبقى بريئة من دا كله

بالنسبه للديسلام اللي موجود في السنترال ده مش بيأثر على السرعه خالص دا لو شبهناه هو عامل زي مشترك بس لكن اللي بيأثر هوا bandwidthود الكميه اللي واصله للبلد كويسه ومناسبه

الخلاصة و والله انا مبقول كده مجاملة للاستاذ حسام ولا حاجة انا عندي الخط في بيتي كويس جدا بقدر اعمل دونلود ب 28kbps وبعرف اعمل شات بالصوت والصوره في نفس الوقت والصوت مش بيقطع ومش عندي ولله الحمد اي مشكله نهائي ولما بيحصل ان النت بتقطع بكلم الاستاذ حسام والراجل بيعالج الموضوع في وقت قصير على اد مبيقدر الا لو كان الموضوع من الشركه اللي واخد منها.

ملحوظه:انا اول مشاركة ليا بس الحقيقة الموضوع لفت نظري جدا وحبيت اوضح الاسباب عشان منظلمش حد والعيب عندنا عشان لو عندك ماسورة ميه بوصه ووصلت عليها عمارة اكيد المية هتبقى ضعيفه يجماعه ...اتمنى المعنى يكون وصل

م/أحمد عبدالبديع القاضي

مهندس دعم فني بشركة TE Data

محمد احمد المرسي 27/08/07, 02:52 am

ومين يشهد للعروسة يا عم الامور

العضو المحترم المهندس الكبير اوي احمد عبدالبديع القاضي

مش عارف انت جايب الكلام الكبير اوي دة منين وانت الوحيد اللي بتشكر في خدمة النت احنا مش بنسيء لحد بس احنا طمعانين تبقي احسن من الخدمة الزبالة اللي موجودة دلوقتي صحيح القرد في عين امه غزال

ملحوظة ابوة 105 يكسب

ابقي قابلني عالكوبري

محمد عماد بيومي حسن 29/08/07, 01:34 am

نت اييييييييييييه اللي انت جاي تقول عليه اممم انت عارف قابله معني النت اييييه
اييييييييييييييييييييييييييييييييييييييييييييييييييييه : بيطلع لسانه

[center]

زائر 29/08/07, 11:12 am

انا بشكر الاخوه اللي ردو الردود الظريفه اللطيفه دي
انا مكنتش هفكر ارد الا لما لقيت ناس افاضل بيدخلو على المنتدى زي الاستاذ احمد عبيدو واحمد عبدالهادي وطبعا الاشراف من الاستاذ وليد عبدالرازق فا قولت دا منتدى محترم
لكن المنتدى طلع تقريبا مش منتدى حوار جاد ولا بتاع وشكله طلع منتدى هجص في هجص
الاتنين المحترمين اللي ردو محدش فيهم حاور حوار جاد يبتوع الحوار الجاد

الكلام اللي انا كتبتو يا افنديا كلام علمي وانا مش بجيبو من دماغي وكمان للمعلوميه انا لله الحمد معايه 3 شهادات دولية في شبكات الكومبيوتر يعني مش قاعد على القهوه والفت الكلام ده بالاضافه النت زباله النت حلوه متولع بجاز انتا والنت على روس بعض انا بقول رأيي في منتدى المفروض انه محترم لكن واضح انه عيالي شويه

اسف على الاسلوب وشكرا لحضراتكم واسف على المشاركه السابقه اللي معجبتش حد والنت زي الزفت يا جماعه خليكو عيطو كده وقولو النت وحشه وابقو قابلوني لو اتعدلت لو جبتو حتى نت من امريكا.

شكرا..........

محمد عماد بيومي حسن 29/08/07, 01:30 pm

لكن المنتدى طلع تقريبا مش منتدى حوار جاد ولا بتاع وشكله طلع منتدى هجص في هجص
الاتنين المحترمين اللي ردو محدش فيهم حاور حوار جاد يبتوع الحوار الجاد

المهندس المحترم احمد عبد البديع ردى لم يكن تعقيبا على كلامك ولكن كان راى فى خدمه الانترنت فى اسطنها

ثانيا يوجد من الناس المحترمين كثيرا على المنتدى

reeman 29/08/07, 06:14 pm

اكيد دي حاجه فظيعه
اصل الواحد مبقاش يستغنى بقي حال من الاحوال عن النت في البيت
فأكيد لازم يكون هناك شبكه محترمه
REEMAN

احمد على سليم 26/11/07, 02:27 am

hero man كتب:

انا اسمع ان الدى اس ال يعنى سرعتة بتكون كويسة

هنا بصراحة ايام السرعة بتبقى كويسة ايام

بس ايام كتيرة بيبقى العكس

النت بيفصل كتير مش عارف ليه

وكمان السرعة مش كويسة

يا ريت بجد تشوفوا حل لهذه المشكلة

الواحد اتخنق خلاص

وشكرا

وبعدين انا ملاحظ حاجة
النت بيفصل كل يوم خميس وجمعة لية
بياخد اجازة ولا اية
بجد النت زبالة فى البلد دى ...
امتى الشركة الجديدة تشتغل علشان الواحد يستريح
وكل محد يتكل يقول النت بيفصل من سنترال رمسيس
لية هى السنترال بتاع رميسيس بيقطعة على اسطنها بس
طيب النت شغال فى كل حتة كويس
بس اساسا العيب من الدى اسلام اللى فى السنترال
مش عارف هو مشترية منين ولا لقية فين
المفروض الكل يتكلم او على الاقل اليوم اللى النت يفصل فية ميتحسبش يعنى نخصم حقة

خدمة الانترنت فى اسطنها

ماهو رايك فى خدمة الانترنت فى اسطنها؟؟

خدمة الانترنت فى اسطنها

رد: خدمة الانترنت فى اسطنها

رد: خدمة الانترنت فى اسطنها

رد: خدمة الانترنت فى اسطنها

رد: خدمة الانترنت فى اسطنها

رد: خدمة الانترنت فى اسطنها

رد: خدمة الانترنت فى اسطنها

رد: خدمة الانترنت فى اسطنها

رد: خدمة الانترنت فى اسطنها

رد: خدمة الانترنت فى اسطنها

رد: خدمة الانترنت فى اسطنها

رد: خدمة الانترنت فى اسطنها

رد: خدمة الانترنت فى اسطنها

نت ايه اللي بتكلمو عليه

رد: خدمة الانترنت فى اسطنها

ضحكتني وماكنشي ليا نفس

رد: خدمة الانترنت فى اسطنها

رد: خدمة الانترنت فى اسطنها

رد: خدمة الانترنت فى اسطنها

رد: خدمة الانترنت فى اسطنها

رد: خدمة الانترنت فى اسطنها