أرجو حذف عضويتى ومساهماتى ومشاركاتى

بسم اللة الرحمن الرحيم

مقدمة أتفاق
1- أعتقد أن أى عضو من حقة المشاركة فى أى منتدى . ومن حق الأدارة أن ترفض تلك العضو أو تقبلة .
2- أعتقد أن أى عضو من حقة أبداء رأية فى أى موضوع . وأعتقد أن من حق الأدارة أن تلغى الرأى أو الموضوع.
3- أعتقد من الأحترام أن تكون المناقشة فى أى موضوع أمام الجميع طالما انها مشكلة عامة خاصة بالمنتدى وطالما أن المناقشة لم تسئ لأحد.
4- أعتقد أن كل الأعضاء والمشرفين والأداريين بالمنتدى موافقين على تلك الأراء .

تعالوا نطبق الكلام دة

دة موضوع قريتة فى منتدى الأقتراحات والشكاوى :-

اقترااااااااح اريد رأى الجميع
من طرف sha3lan في 08/02/08, 12:00 am





ما رأى الشباب وكل مشترك فى المنتدى بتغير شكل المنتدى ووضع استايل جديد للمنتدى

هذا هو الاقتراح من يوافقنى واريد من لا يوافقنى بجد ويقول ليه .....؟؟؟

وشكرا : مستنى الردود



وأن من حقى كعضو رديت وقلت

رد: اقترااااااااح اريد رأى الجميع من طرف haytham1011 في 08/02/08, 01:53 am

معلش يا اخ " شعلان " هوة حضرتك بتتكلم عن اى منتدى .................

المنتدى اللى بيدخلوة عضوين او تلاتة على مدار 24 ساعة يوميا والباقى بيدخل " يتفرج " محدش يزعل منى .... انا عن نفسى بدخل "اتفرج " لأنى ماليش نفس اكتب ..........لأنى حاسس ان المنتدى عامل زى البيت المهجور ............اللى ممكن الأنسان يدخلوة يتفرج علية انما يعيش فية " لأ طبعا مين "......


المنتدى اللى اتفتح باب الترشيح للسادة المشرفين وكل اللى اترشحة السادة المشرفين السابقين وفازوا بالتزكية بعد تجاهل كل الأعضاء الترشيح .......... والأقسام الأخرى اللى محدش ناوى يترشح فيها ............حتى بعد الأعلان اللى يسد عين الشمس اول ما تفتح المنتدى " بيدور على مشرفين ياولاد الحلال ".............


المنتدى اللى بقالة شهر مفهوش موضوع جديد .........

ادخل منتدى الأخبار .................... فى خلال شهر ماضى " موضوع واحد "احذر انه الطوفان قادم ( بيان من الإخوان المسلمين)
من طرف محمد اجمل الصياد......... 36 عضو شافو الموضوع ومحدش علق علية ...



منتدى مشاهير اسطنها ...........................اخر موضوع من حوالى شهر ونص مشايخ الغفر في اسطنها
من طرف atefazt في 25/12/07



وكذلك منتدى الحوار الجاد ...............""""3 موضوعات فى شهر "


منتدى كلام الشباب ............ 4 مواضيع فى شهر


وقيس على كدة بقية المنتديات ............................

ودة طبعا مش تقصير من الأعضاء ولكن الأعضاء ملهمش نفس يكتبوا ...............طب لو الأعضاء نفسهم مسدودة بردة المشرفين نفسهم مسدودة

يعنى ادخل على منتدى الكرة العالمية اخر خبر فية بيقول

الفراعنة يتأهلون لدور الثمانية بتعادل هزيل مع زامبيا


مش عارف انا عارف ان اخر خبر سمعتة ان مصر وصلت النهائى وغلبت كوت دىفوار 4-1 وقبلها غلبت انجولا " باين "2-1 وهتلعب النهائى يوم الحد مع الكاميرون """"" انا شخصيا مش عارف الكلام دة صح والا اية علشان انا خارج البلد ............مش متأكد ....


بعد دة كلة عاوزين نعمل استايل للمنتدى ..........................




المهم انا لقيت استايل ينفع لمنتدى رائع وبالمواصفات دى





صفحة كبيرة سودة ومكتوب فية بالأبيض

أغلاق المنتدى نهائيا لعدم وجود أعضاء

طبعا المشاركة دى هتتحذف علشان الكلام مش عاجب "الأدارة "....................بس هوة دة حالنا بجد وحال المنتدى بتاعنا ولو الأدارة عندها الشجاعة تسيب المشاركة وترد لو عندها رد علشان توضح الصورة لو انا جنيت عليهم والا غلطت ................


شكرا

ودة رد أحد المشرفين الأستاذ : محمد عماد على ردى
رد: اقترااااااااح اريد رأى الجميع
من طرف محمد عماد بيومي حسن في 08/02/08, 07:28 pm

ا_ هيثم بصراحه كلامك ممكن يكون صحيح بس ممكن تسال نفسك ليه مفيش اعضاء بيدخلوا هنا
وان ملقيتش رد انا هابقي ارد عليك مع احترامي ليك طبعا
2_ الاخ شعلان كلامك جميل وانا باضم صوتي ليك في تغيير الاستايل بتاع المنتدي
وتقبل مني مروري
ودة ردى علية

رد: اقترااااااااح اريد رأى الجميع
من طرف haytham1011 في 08/02/08, 07:46 pm

محمد عماد بيومي حسن كتب:
ا_ هيثم بصراحه كلامك ممكن يكون صحيح بس ممكن تسال نفسك ليه مفيش اعضاء بيدخلوا هنا
وان ملقيتش رد انا هابقي ارد عليك مع احترامي ليك طبعا




الأختلاف فى الرأى لايفسد للود قضية

شكرا يا " حمادة " على الرد والمرور وانا سعيد ان انتة رديت عليا انا سألت نفسى ولقيت الجواب بس انا سايب الجواب لنفسى الا لما اسمع منك الأول الرد زى ما انت قلت


شكرا يا " محمد " مرة تانية ............... مستنى ردك يا باشا ...............
الموضوع دلوقتى شغاااااااااااااااال قدام الكل باحترام وبدون اى " قلة أدب " وقدام الكل

تعالوا بقى نشوف الشغل اللى فى الدرى



دى رسالة خاصة جت لى

الى العضو الغير محترم
من مواطن من اسطنها إلى haytham1011, أمس في 02:37 am

العضو الغيرمحترم هيثم ممكن اعرف انت متعلم ومعاك اية !!!


انت شكلك جاهل جدا علشان اسلوب الكلام اللى انت بتتلكلم بية غير محترم طبعا

وبعدين لما المنتدى مش عجبك بتدخل لية علشان تتريق على اللى فية... اما والله انسان ...... فعلا

انا سمعت انك كنت مشرف فى المنتدى قبل ما يبوظ ولما باظ رحت المنتدى التانى وجاى دلوقتى بتتلكلم وتقول المشرفين مش عارف اية ..
تعرف والله انا كنت بحسبك انسان محترم وكنت بحنترمك فى المنتدى التانى بس سقط من نظرى

بعد اللى قراتة فى المنتدى دة لية تقول كدة
دة بدل متدخل وتشارك ع العموم المنتدى بيك ومن غيرك شغااااااااااااال

والمنتدى اللى كان بيجمعنا التانى باظ علشان نيتكومش كويسة

( تعرف انا كنت داخل زائر فقط فى المنتدى دة ومكنتش مشارك.. بس لما قرات الكلام بتاعك قررت انى اشترك علشان ارد عليك بس ) سلام يا .......متعلم

ودة ردى علية بالرسايل الخاصة

haytham1011 09/02/08, 01:32 pm

اولا انا انسان محترم اكتر منك ..........عارف لية لأنى بكتي " بأسمى " يعنى اسمى موجود.............مش داخل باسم " مستعار " .......... يعنى اعتقد ان انت لو راجل عاوز تناقش موضوع اكشف عن شخصيتك وناقشنى بس اعتقد انك معندكشى شخصية تكشفها


عاوز تعرف انا متعلم ومعايا اية


يا سيدى انا على قدى " بكالوريوس تجارة "............ ومحاسب قانونى ............وقربت اخلص cpa لو سمعت عنها يعنى ولو مسمعتش عنها دى اسمها " زمالة جمعية المحاسبين والمراجعين الأمريكية " ودى درجة من درجات الماجستير ...............


المنتدى موجود للجميع ولو مش عاجبك الغى عضويتى ولية الحق انى اتكلم براحتى .........وفية مشرفين لهم الحق انهم يلغوا الموضوع بتاعى


صحيح انا مشرف فى المنتدى اللى هيرجع بعد يومين بس انا مشارك فى المنتدى دة من 10-10-2007 ولما كنت بكتب موضوع كان السادة المشرفين بتوع المنتدى دة كانوا بيسقفولى يعنى مش عارف دة كان نفاق والا بجد المهم انهم كانوا بيسقفوا قدام الناس لو غيروا رقيهم دلوقتى يبقى بردة قدام الناس مش فى الدرى



انا محترم احسن منك والدليل انى انت مستخبى ومش قادر تكشف عن شخصيتك لأنك ملكش شخصية


المنتدى التانى ما باظشى ولا حاجة وبكرة الأيام تبينلك


طبعا موضوع زائر دة مش بالعة خالص وياريت تقولة لواحد عبيط زيك يا عم الزائر .............................


طبعا انا مستنى تقولى انت مين لو عاوز تقول ............واللى انا متأكد منة ان انت مش هتقول عارف لية


لأنك مش راجل

طبعا وظل " قلة الأدب بالرسايل الخاصة شغاااااااااااااال منة على ودنة وانا مش راضى انشرها علشان فى بنات فى المنتدى .........

طبعا انا مشيت ورا الموضوع وعرفت من الشخص دة ومين اللى بعت الرسايل وأتأكدت " مليون فى المية " وقلتلة أنت "....أسمة ...........".

طبعا النهاردة جتلى رسالة خاصة من المدير بتقول

إعلام
من المدير* إلى haytham1011, اليوم في 04:19 am

العضو المحترم/

بمساعدة العضو"محمد عادل عبدالودود" تم تأكيد تهمة إرسال رسائل السب والقذف لكليكما على العضو"مواطن من اسطنها"...

وتم وقف العضو " مواطن من اسطنها" ...

شكرا...

إدارة المنتدى

رجاء من الادارة:
الادارة ترجوكم مناقشة موضوعكم الاخير عن نشاط المنتدى في موضوع منفصل في منتدى "الاقتراحات" حتى يكون التفاعل مضاعفا ومثمرا ...

شكرا

_________________

إدارة منتــــــدى اســـــــــطنها
طبعا العضو دة " مواطن من اسطنها .......أسف أنتى أبلغكم أنة من الأدارة "...........

يعنى الموضوع وصل لحد النفاق........العلنى ...............

.................................................................................

الموضوع خلص بس لية تعليق


فور علمى بوجود منتدى يضم أهل بلدى وأصدقائى سعدت بة كثيرا وتصورت انها نقلة حضارية للبلد وسعدت اكثر بوجود اقتراحات رائعة اذا نفذت سيكون المنتدى حقق اهداف سامية .

وادخلوا وشوفوا الأقتراحات اللى موجودة زى :- اقتراح مشروع تبرع ولو بجنية .......صندوق المناسبات لأعضاء المنتدى ........علاج ببلاش أو اجر رمزى ......صندوق تبرعات المنتدى .

وأخرة من المواضيع والأهم "التقرب بين الشباب "...ولكن تلك المنتدى لم يحقق اى هدف من اهدافة واهم الأهداف " التقرب بين الشباب"
فقد انقلب ليكون اختلاق المشاكل والسب والقذف العلنى امام الجميع .

ومع تلك الأجواء الساخنة والغير مهذبة من البعض والتى طالتنى شخصيا يؤسفنى ان اعلن امام الجميع انسحابى من المنتدى واطلب من ادارة المنتدى بحذف كل مشاركاتى ومواضيعى من المنتدى وحذف عضويتى ايضا ..................

آسف ان اقول بانى دخلت وحذفت معظم مواضيعى او بالبلدى " بوظتها "ولا اريد ان يكون لى مساهمة فى هذا المنتدى .................
هذا رّيى الشخصى وأتمنى من الجميع التوفيق وشكرا لجميع الأعضاء المحترمين " المحترمين فقط "