يا حكومة ألوهاااااااااااااااات

فارس العشق 07/02/08, 01:16 pm

طلبنا الرقم علينا ما رديتوا
يا حكومة كفايا منك عاهات
الشعب ليكي عمال بيشكي
اما يروح اي مكان الكل يقولوا هات
الشعب مسكين خلاص ادمر
حتى الكلام خرصتوه حطيته عليه السكات
والدعم من الفقير خلاص شيلتوه
يا حكومة كفايا الشعب مات
عاملة ودن من طين والتانية من عجين
وتعبنا معاكي كلام وتعبنا الوهات
الولد الصغير اللي لسه ابن امبارح
يروح لابوه يكمل عليه ويقولوا هات
الاسرة حزينة والاب مسكين مش لاقي
هيموت نفسه من كتر الطلبات
شايف الحكومة كرشها واسع
عماله تاكل وهو مش لاقي الفتات
وتعبنا معاكي حديث وتعبنا معاكي كلام
والندل يعمل خسيس ويسمع للسكات
بجد تعبانين قوي يا حكومة
يوم ما جيتي اول التمنينات
والشعب فعلا مل من كتر الحوارات
توعدوا تقولوا بكره هنعمل
ويجي بكره تقولوا اللي فات مات
ونرجع تاني من البداية
تدخلينا في حكايات وحكايات
ايه قصتك يا حكومة ردي على الالوهات
تعبنا بجد معاكي سنين في اتصالات
لا منك علينا رديتي ولامنك منفعات
الله يسامحك يا حكومة ويسامح الريس
حقيقي غرقتونا كل يوم قرارات
واخرة صبرنا معاكي يا حكومة
تعملي لكل واحد قصص وروايات
ربنا هيحاسبك يا ريس على الشعب اللي مات
هيحاسبك على اللي راح واللي جاي واللي فات

محمد عماد بيومي حسن 07/02/08, 02:17 pm

الموضوع جميل وربنا يسهلها من عنده

يا حكومة ألوهاااااااااااااااات

يا حكومة ألوهاااااااااااااااات

رد: يا حكومة ألوهاااااااااااااااات