المصـري هـوّ اللـي

جويرية كتب:انا فى الاول لما قرات اللى حضرتك كاتبه يا استاذ مهند افتكرته راى حضرتك بس والله معظم الحاجات الكويسة اللى حضرتك ذكرتها دى موجودة لحد دلوقتى فى مجتمعنا

*والله كل الناس كويسة يا استاذ مهند وجواهم طيبة وحب لكل الناس بس الظروف والضغوط اللى على الناس هى اللى مخلياهم يبقوا كده

وفيه حاجة انا ملحظاها ان كل واحد بيقول الناس اللى وحشة طيب وانا هعمل ايه معاهم انا بعاملهم بنفس المعاملة وده غلط احنا لازم نحاول نرجع التعاون والحب بين الناس على الاقل كل واحد يبدا بنفسه وان شاء الله الناس هترجع كويسة زى زمان

مهند القاضي كتب:

المصـري هـوّ اللـي

المصري هو اللي لو عمل حاجة حلوة يبعت لجاره طبق وياكل معاه
وهو اللي لو شم عندك حاجة بتتحرق يجري عليك لا تكون بتشوي
وهو اللي لو سمع صوت زعيق وخناق عندك يجي يهدي الامور(حريقه)
وهو اللي لو لقى خناقة في الشارع يقف يتفرج مش بيحوش
وهو اللي لو لقى حد بيغرق يجري ينط عليه ويدوس علي دماغه ووووو يعضه يانهااااار
وهو اللي لو اتفرط منك كيس الجوافة في الشارع يخطف واحده ويجري
**********
المصري هو اللي لو حس انك مزنوق يعملك جمعية مخصوص و يقبّض هو الأول
و هو اللي يقف معاك في الأحزان (يلا اهو واجب )و الأفراح وده اكيد بمصلحه
و هو اللي يلمّلك من الركاب فلوس لو مرتبك اتسرق منك في الأتوبيس رغم انه هو اللي سرقه
و هو اللي لو لقاك في مواصلة و كان عارفك يحلف ميت يمين ليدفعلك الأجرة ويفضل يدعبس في جيبه ساعه علشان تدفع انت
**********
المصري هو اللي يقعد معاك ع الفطار في رمضان لا تعليق
المصري اللي يقف جنبك وانت بتدبح الاضحية طمعان في الكبده
المصري اللي يباركلك لما ابنك يجيب مجموع وهو هيفرقع بسبب ابنه
المصري اللي ييجي يقولك تجيب كشاكيل و أقلام بالجملة عشان هو فاتح مكتبه**********
صفات المصري مش ممكن تلاقي زيّها فى اي بلد تانية
بجد يا شباب لازم نبقى مخبين وشنا اوى ونبقى حزانا ان احنا مصريين
بغض النظر عن اى حاجه حلوه حوالينا او اى مزايا فى مجتمعنا بس برضه هنفضل من اقل شعوب العالم باخلاقنا ومصريتن الجميلها