صعبان عليا نفسي

يارب وانت القوى والعدل فيك معروف
وعبدك اللى اتظلم ف الارض بيك منصوف
انا جيبى داب واشتكى من قلت المصروف
وبنطلونى الوحيد اتهرى من كتر مبيشوف
ان رحت بيه مشوار احس بخجل وكسوف
وينادينى ف عرض دين النبى تفارقنى بالمعروف
وقميصى من منظره البؤس باين فيه
الرفا سب وكفر من كتر مبيرفيه
ولما باخ منظره وجيت ف يوم اكويه
وديته للمكوجى قعد يقلب فيه
وقالى يامحترم واجب عليك ترميه
دا القرش اللى هتفعد والمكوه خسارة فيه
والجزمه طار نعلها والنعل راح مخلوع
مفضلشى غير وشها حتى اللسان مقطوع
وان حد شاف شكلها يكتبها للتاريخ موضوع
اوعوا تفتكروا انى شاعر او شغلتى زجال
دا بس من بؤسى خطر كلمتين على البال.