بيقولي " انسيني "

يا غربتي يا حرقتي يا آآآهة قلبي وأنيني
يا ذلتي يا كسرتي فتعب أيامي وسنيـــــــــني
اشرب ياا قلبي كمان من العذاب هوا انت لسة شربت؟؟
ماتجيش فوسط طريق اخترته وتقولى كفاية تعبت
دا انت اللى اخترته بدايتك عايز دلوقتي ينهيــــــني
آل ايه.....بيقولي " انسيني "

وراسم فعينه دموع فراق ومرار
وأنا اللى كنت فاكرةانى فحياته جد... طلعت ولا حتى هزار...
حلقة مفقودة من عمره .. ما بيتحكيش عليها
ولا حتى لعبة لعب بيها والاخر داس عليها
ولا دمعة بكاها وجفت .. بكى فيوم عليها
ولا قصة انتقام وقرر الاخر يأذيني
ولا فاكر إنى عشقته.. والحب اللى بينه وبيني
ولا سامع وجع قلبي ودقة شوقي وحنيني!!
ولا حاسب إني هموووت لو مش صوته يحييني!
طب اعمل ايه يا تعبي .؟؟..ده عذابه كان بيشفيني

ولسة بيكمل عليا التمثيل...
عايش دور اللى مالوش مثيل..
وإنه لازم ياخد دور البطل ..
مع إنه عارف إن كلامه بطـــل
ما عادتش عليا بيخيل

حد بقى من دوري ... يعفيني

صدقت كدبك كان نفسي قلبك يحويني
كنت عايشة وهمك وكان خداعك راضيني
كان قلبي فحبك عن مكرك عاميني
طب أصدق مين بعد..؟؟؟ وأنت جرحك ماليـــــــني
وأنت بتحكي عهدك.. ونسيت تحكيني
وأنا كنت من وقتك عمرك.. ولسانك نسيني

اتقابلنا في محطة... نزلت ما بصتش وراك ...
ما أخدتش بالك إني كنت طووول السكة معاك؟!..
مش فــــــــــــــــاكر مرة عينك ..جت فعيني؟؟!!

ناسي أيامي معاك ..وأنــــــــــــا يا ميـن ينسيــني؟؟!!
ناسي وأنا بين ايديك لما بجيك وتجيني؟؟
طب قولى كنت بضحك عليكـــــــــي..
مش آل ايــــــه بتقولي " انسيني"
كنت سيبلي فرصة تصعب عليا...
ودموع عينيك الكــــــــدابة تنزل من عيني..
وكلامك المعسول على شط الغرام تاني يرسيني
ونرجع تاني من الأول تاخدني وتوديــــــــــــــني
وتهددني بإنك هتنساني.. واقولك اديني فرصة اديني
وأمشي تااااني وراك بعد ما برودك يهديني
واهمة نفسي إن ضلالك هوا يهديني
كنت قولي إنك كداب وخداع وقاسي وناسيني

مش آل ايه كان فاكرني وأنا اللى بقسى عليك يا عيني

آل يعني كنت افتكرت .. لما بتقولي " انسيني "