هل أنت مع أو ضد عمل المرأة" جاوب . جاوبى " بصراحة

haytham1011 16/12/07, 10:49 am

ما رأيك بعمل المرأة

هل هو ضرورة أم عادة لازم نستمر فيها
أو أثبات ذات للمرأة
أو ممكن تحقيق طموح
أو مجرد ملىء فراغ

وهل المرأة أكفأ من الرجل
ولماذا دائما المرأة تريد منافسة الرجل حتى فى عملة

أرجوا ألاقى أجابة من الرجال والنساء

وشكراااااااااا

جويرية 16/12/07, 11:01 am

الاسلام شرع عمل المراة فى حالة واحدة وهى اذا كان زوجها فقير لتساعده على المعيشة وايضا قيدها بشروط

الا تخرج متبرجة والا يكون عملها فيه اختلاط مع الرجال وايضا فى المواصلات لاتختلط مع الرجال

وفى زمننا هذا ما من مكان عمل الا وبه رجال ونساء وايضا فى المواصلات اذا فى زمننا هذا لا تستطيع المراة تطبيق هذه الشروط

ومن هذه الاسباب وعدم تحققها يكون عمل المراة غير مستحب وهذا من وجهة نظرى

عمل المراة الاساسى هو العناية ببيتها واولادها

وممكن يكون عمل المراة من اجل تحقيق ذاتها ماشى لكن اذا توافر فيه الشروط التى شرعها الاسلام

و المراة لا تستطيع القيام بجميع الاعمال مثل الرجل مثلا هى مش هتبقى مهندسة بترول وتروح مواقع العمل فى الصحراء تحت الشمس المحرقة ومش هتبقى ظابط فى الجيش وتحارب والرجال قوامون على النساء

وفى النهاية هذه وجهات نظر ومحدش يزعل من وجهة نظرى

haytham1011 16/12/07, 11:16 am

وجهة نظر لابد من أحترامها.....................

طبعا.........................

تحياتى..........................

محمد صبرى زيدان 16/12/07, 02:02 pm

وأنا من وجة نظرى الشخصية إن المرأة فى مجتمعنا الحالى لا تصلح الإ لوظيفتين وهما ( الطب و التدريس) وعلى ما أعتقد غير كده مينفعش وبالدليل على كده لو بصيت لنسبة الموظفات من النساء بالنسبة إلى الموظفين من الرجالة هتلاقيهم كتير جدا ودا سبب من أهم أسباب البطالة فى مصـــــــــــــــــــــر .

جويرية 16/12/07, 04:48 pm

شكرا على رد حضرتك يا استاذ هيثم

lonely heart2010 16/12/07, 11:39 pm

بصراحة مع احترامي للجميع
انا علي النقبض تماما انا ضد عمل المرأة بأي حال من الاحوال (رأي شخصي)مع جواز ذلك شرعا
فانا اري ان المرأة لبيتها وبيتها فقط
ولكن انا مع تعليم المرأة وان تصل لاقصي درجات العلم والثقافة لانها هي مربية الاجيال
فالام مدرسة اذا اعددتها اعددت شعبا طيب الاعراق

sha2lan 17/12/07, 12:35 am

[center]

انا ضد عمل المراة

الست مكانها فى بيتها
وبعدين الزمن اللى احنا فيه يخليك عايز تحافظ عليها من الهوا الملوث(الطاير)
وبعدين هى تتعلم زى ما هى عايزة
علشان ثقافتها وتعليمها يكون اولادنا هما المستفيدين بيهم بس
وبلاش مرمطة مواصلات ولا المناهدة فى الناس
انا عايزها بس تتفرغ لاولادنا
لان هو ده عملها الحقيقى ووظيفتها الطبيعية
هى فيه واحدة تزعل انها بتريح جوزها واولادها؟؟؟؟؟؟
وقبل دا كله بتريح نفسها ؟؟؟