يا قدسـوا الدرة شهيد

يا قدســـــــــــــــــــوا
جدرانك بكت
والكل سامع صوت انين
دم الضحايا يعبر بحار
واحنا ما فينا عوامين
والطلق طالع من البنادق
على الولاد الطيبين
جريمة واحدة شوفتها
عشانها شاب راس الجنين
غلام من الابرارطلع
يشوف قلوب الجاحدين
واما لقوة فى ايدين ابوة
شالوا سلحهم صوبوة
لقلب طيب عاش حزين
ابوة حماة
حطوا وراة
بالروح فداة
لكن يا ناس هيروح لفين
قالوا ما دام شوفنا الغلام
طالع فى وسط الثائرين
بكرة يثور
ويقوم يفور
والدايرة من تانى تدور
ويبقى شاب بعود متين
افضل يموت
وصوتة يتحول سكوت
ما حد يعرف لو يفوت
هيروح لفين
مات الغلام
وعاش ابوة وابنة شهيد
محمد الدرة شهيد
مات حزين
على القدس دايما كان حزين
مات الشهيد
قبل ما يعبر جبال بلدة
مات الشهيد
قبل ما يعرف حدود بلدة
مات الشهيد
يوم ما انقتل جوة بلدة
مات الشهيد
اهداء لكل روح شهيد

اهداء الى الاخوة الاعزاء : مهند, شعلان,احمد عبد البديع, محمد عماد, المدير :وليد, هيثم ,احمد عبد الودود,محمود حمدى
اهداء من عابر سبيل الى الاخ الصادق واحد بيحب مصر

اسيرة الاحزان
شكرا على ردك
اتمناان انتى تنورينا اكتر فى المنتدى

محمد الفرماوى
مش هقدر ارد عليك
غير انى اقول اللة يخليك
انا اتعرفت بيك من فترة قليلة
بس بجد انا بشكر المنتدى اللى
عرفنى بيك
شكرا

استاذة منى
كلماتك احلى
بس لحد امتى فلسطين هتصمد
امتى الملتقى ....؟
شرفنى جدا ان حضرتك رديتى علية
شكرا يا استاذة /منى

الاخت العزيزة / جويرية
شكرا على مرورك
واللة يرحم كل شهداء العالم العربى
امين يارب

استاذى / مهند بية
انت بتتريق
يا روح .................
وحياة اللى ............
لتشوف ردود احلى من الورد
واللة دة احساس يا مهند
بس مش طالع من القلب
طالع من الدمع
وكاتب لية بالاسود
اكمنى ابيض غامق شوية
هنتقابل واللة هنتقابل

اميرة الرومانسية :
فلسطين ما ضعتشى
لانها لسة موجودة اللى ضاع هو احنا
عايزينها تضيع .......
شكرالا لاخوة الاعزاء ريمان ومرمر على مرورهم
واللة يرحم كل الشهداء
اما ابن ابو عماد
انت شكلك عايز تسهر مع زيجا
تسمع اغنية
(باب المحكمة)

والله يا هندسة
اعتذراك مرفوض
لان انا عمرى ما ازعل منك
دة انا اخوك الصغير
شغلنى بقى
وخلى عندك احساس
دة انا بكويلك هدومك وانت مسافر