الوالد عندما يكذب

حبيبتى انتى عارفه انا مش بحب حركات الشباب الطايش انا اصلا
1- مبكلمش بنات
(وتلاقيه يعرف طوب الارض )


2- يااااه ياحبيبتى انا حاسس انى اعرفك من زمان

(بينها وبين بنت كان يعرفهاوهوا تلاقيه متلخبط)


3- حاسس ان فيكى حاجه غريبه غير كل البنات
( ورجليها اكنها مثلا بتمشى على ايديها )

4- انا حاسس ان فى شبه كبير بين افكارى و افكارك احنا اكيد مخلوقين لبعض
(اكيد دى البنت رقم 100 اللى بيقولها كده وكأًن كل بنات الدنيا مخلوقين عشانه)

5- حبيبتى انتى اول حب فى حياتى وانا حاسس انى اتولدت يوم ماقبلتك
( أساس ان والدته كانت حامل فيه 20 سنه وولدته قبل مايقابلها بيومين )

6- يااه يا حبيبتى انتى تؤمرى وانا انفذ اللى انتى عايزاه اجبهولك
( في المشمش)

7- حبيبتى الطقم اللى انتى لبساه ده تحفه بس متلبسهوش تانى عشان بتبقى حلوه وانا بغير بغير بغيييييير
( طبعا فاهمين الحركات دى تلاقيه مش عاجبه اساسا)

8- هكلم باباكى اول ماكًون نفسى
(موووووووووووت يا حمااااااااااار )

9- عايز اشوفك كل يوم كل ساعه كل ثانيه
(حلوه عشان اصحابه يتأكدو انها)

10- حبيبتى افتكرى دايما انى لما بحب بحب بجد وانا حبيتك بجد من اول ماشوفتك
وكنت بدور عليكى من زمااااااان
(بففففففففف الاسطوانه المشروخه )

11- انا علاقتى بيكى محدش يعرفها غيرى و غيرك و ربنا لانك بقيتى كل خصوصياتى
(يعنى يا دوب اللى يعرفو اخواته و اصحابه و جرانه وقاريبه وصحابه.....الخخخخ)

12- معلش ياحبيبتى مش هقدر اعدى عليكى بالعربيه النهارده علشان هيا فى التوكيل
عارفين شويه الفشخرة دول وهوا اساسا ماعندوش عربيه ومعرفش يزوغ بعربيه بباه

13- ياحبيبتى انتى بتتكلمى فى أيه انا كل عطورى من فرنسا
(ايوه زغلل عنيها ياواد )

14- ياه لما بشوف رقمك على الموبيل قلبى بيتنفض
(اه من الخضه انها تكون فأسته طبعا)

15- فلان قالى اديله رقمك بس انا قلتله اقتلنى قبل ماتاخد رقها منى
( ياااااه على التضحيه وهى ياعينى رقمها مع مخاليق ربنا كلهم )

16- حبيبتى عايز صورتك عشان قبل مانام اشاهد فى جمالك واحطها تحت المخده
( لا وهو الصادق عشان لما يتخانقو يهددها بيها )

17- اسف يا حبيبتى امبارح مقدرتش اكلمك كنت مشغوووول فى المذاكره
(قصده معهوش فلوس او مشغول مع واحده تانيه )

18- اسف يا حبيبتى انى مقدرتش اجى فى المعاد امبارح كان عندى ظروف صعبه
( معزور الولد افتكر معاد البنت التانيه اللى بقاله 3 اسابيع مأجله )

19- عارفه يا حبيبتى انا طول الليل منمتش قاعد بفكر فيكى
اومال مين اللى كان نايم و مبيردش على التليفون؟
(ياااه انتى تقصدى الخمس دقايق اللى نمتهم دوول؟دول من كتر التفكير فيكى جالى غيبوبة)

20- عارفه يا حبيبتى انا اصلا مش بفتح الماسنجر الا لما بتكونى موجوده اصلا النت من غيرك ما يسواش
يقصد مش بيفتح البلوك عنها الا اما تكون هيا بس الى اون لين عنده

21- حبيبتى انا ماستهلكيش
الدكتور قالوه هاتموت الا سبوع الجاى فامش لازم يعذبها معاه يا عينى

22- انا بعمل كده علشانك انتى
(ايوه ماحنا عارفين باباها قالو لوما سبتهاش هحرمها من الميراث )

23- انا هاسيبك علشان مش عاوز اى حد يتكلم عليكى نص كلمه
(ياراجل لسه فاكر دلوقتى مالبنت اتشحورت والحمد لله بسببك وخلاص الى حصل حصل )

24- انا مش عاوزك تزعلى منى
(يارااااجل وانت لما تسبها هاتعمل فرح وتدبح عجلين يعنى ؟!لا والنبى هاتزغرد لولولولى الواد سابنى انا فرحانه )

25- انا هاهاجر ومش عارف هارجع امتى
( طب ماتخدها معاك يامعلم ولا هيا حجج)


26- أنا مانفعش ارتبط بواحده مشيت معاها
(ربنا هايكرمك وترتبط بوحده مشيت مع نص شباب شبرا ومصر القديمه كمان)

27- انتى احسن حد عرفته فى حياتى بس مش هاينفع نكمل
( مايقلهاشابتعيط ئهئ ئهئ ئهئ ليه ليه ليه .. يقولها علشان خطرى انا ماستحملش دموعك ... )

28- انتى اكتر حد حبيته فى حياتى بس برده زى ماقولتلك مش هاينفع نكمل
(لا تعليق )

29- حبيبتى انا اكتشفت ان مافيش مابينا حاجه متشابهه
بألو سنتين ماشى معاها وبعدين لسه مكتشف ده , الظاهر عليه كان بيكتشف مقبرة جديده فى..اسوان

30- والله ياحبيبتى انا مش وحش وبلعب بمشاعر البنات زى مانتى فاكرة بس هوا ده نصيبنا
( لا ماهو واضح )

ملحوظة هامة: انا عايزة اقول ان انا حاطة الموضوع ده بس هزار مش اكتر يعنى مش عايزة اى حد من الشباب يزعل
ولا عايزة خناقات بينهم وبين البنات
انا جاية أهدى النفوس بس هههههههههههه

منقوول