جرح الخداع

جرح الخداع اكبر من إنه يداويـه


لا صار وسط القلب يجري نزيفـه


ولا صار يسري الهم بعروق راعيه


قلبٍ زرع له حب قـرب خريفـه


معاد باقي شي مـن حبـه ارجيـه


الحب مات وما بقـى غيـر طيفـه


بصبر على بعـده وقلبـي بنسيـه


كـل الليالـي القاسيـات المخيفـه


من باعني ياكيف يبغينـي اشريـه


مـدام بيـن كـذب قلبـه وزيفـه


يوم ٍ قلبي صـادق الـود معطيـه


خلـى حياتـي للمواجـع حليـفـه


امنولٍ كـل الغـلا كنـت اسميـه


وكل المشاعر سقتهـا لـه رهيفـه


كنت الجسد والروح هو ساكن ٍ فيه


نقسـم شقانـا وفرحنـا بالنصيفـه


وكنت الزهر وهوه كما الغيث يرويه


قربه ربيع القلـب وفرقـاه صيفـه


واليوم أنا ماطيق اسمـه وطاريـه


عليـت نفسـي كالجبـال المنيفـه


وحلفت مامشي في طريقٍ مشى فيه


حتى ولو درب الشقـا لـه خليفـه