يلا نتعرف بجد

بسم الله الرحمن الرحيم
بحب ارحب بكل أعضاء المنتدي
انا بعرض فكره جديدة بس يارايت تعجبكم
احنا معظمنا ابناء هذا المنتدى عارفين بعض على المنتدى بس ...............
المفروض ان معظمنا من هذة القريه اسطنها ولكن نعرف بعض على المنتدى فقط !!!!!!!!!!!!
اية المانع من تحديد ميعاد فى اى مكان فى القريه ونتقابل فيه مع بعض لتوطيد العلاقة اللى بيننا ونتعرف على بعض بجد ؟؟؟؟؟؟؟؟؟؟؟؟؟؟
دى مجرد فكره ولو عجبتكم ممكن ننفذها فى أقرب وقت . اتمنى المزيد من الوافقات على هذة الفكره ويارايت الللى تعجبه الفكره يرسل الرد بالموافقه واقتراح للمكان والزمان للمقابله
مع تمنياتى لكم بالتوفيق
م /احمد حمدى عرفه

فكرة رائعة ياريت تنفذوها بس انا اسف مش هقدر اكون معاكوا
انا خارج ارض اسطنها الطيبة.


شكرا يا باشمهندس على الأقتراح الرائع

هى فكره ممتازه ويطلق عليها رابطة المنتدى كلام جميل يا ريت يتحقق0

هى فكرة جميلة
وانا شخصيا عرفت أعضاء من المنتدى ونتئابل يوميا فى قاعة أسطنها
وروحت لناس بيتها مع انى مش من أسطنها
بس معرفة الناس كنوز
خصوصا لو من بلد واحدة

السلام عليكم:
بصراحة الفكرة ممتازة يا بشمهندس وطبعا انا معاك فيها
يا ريت الكل يوافق ويشترك معك

انا موافق علي كلام الباشمهندس احمد واول لقاء يكون في العيد باذن الله والمكان موجود عندي يتسع لكثر من 50 شخص

بسم الله الرحمن الرحيم
بصراحه مش شايف ردود من ناس كتيير على الموضوع بس ان شاء الله انا برحب بدعوة الأستاذ عاطف بعمل هذة المقابله عنده ويارايت يحدد لنا ميعاد يكون فاضى فيه فى العيد ويبلغنا به ويارايت على ما العيد يجى نشوف ردود اكتر وشكرا جزيلا للاستاذ عاطف على الدعوه الطيبه

شكرا للباشمهندس احمد علي كلامه الرقيق وانا كتبت في مكان اخر عن الموعد والمكان وكان فية شبة اتفاق علي الموعد والمكان انا سوف انزل من دبي انشاء الله 17- 12

الميعاد المقترح يوم 20- 12 في اجازة العيد والمكان عندي في الببيت اتشرف بوجود اكبر عدد ممكن وقد وافق المدير علي هذا الاقتراح

ترجع بالسلامة يا ا/عاطف
وربنا يتم اللقاء علي خير ان شاء الله
جزاكم الله خيرا علي هذا العمل المشرف باسم بلدنا العزيزة اسطنها

رضا عبد الجليل كتب:استاذ عاطف يوم 20/ 12 اول يوم العيد ممكن تخليه ثانى يوم العيد او ثالث يوم العيد بعد العصر مباشرتا
عشان اول يوم بيضيع فى الدبيح ( والراى لك ياستاذ عاطف )
انا هكون اول الموجودين ان شاء الله عشان نفسى اشوفك

ـــــــــــــــــــــــــــــــــــــــــــــــــــــــــــــــــــــــــــــ

خلاص نثبت علي ثاني ايام العيد زي ما يطلع وشكرا يا رضا علي الاستجابة