ما تيجوا نحب مصر

واحد بيحب مصر 07/11/07, 11:31 pm

يا كل شاب لسه جواه براح

يل كل بنت بتحلم بالصباح

ماتيجوا نحب مصر

ندوب في حب مصر

مصر .. حبيبتي

مش كلمة تتقال

مش غنوة

ولا موال

مش الشوارع

ولا الحواري

ولا البيوت

مش الترع

ولا المصارف

ولا السدود

مصر حتى مش الحدود

ولا النيل

ولا الهرم

مش همه مصر يا محترم

مصر .. حبيبتي

فكرة تتولد جوه القلوب

وحدة شعب قبل الشعوب

مصر أنا .. مصر أنت

مصر إحنا

مصر حته مني بتناديك

وحته منك بتناديني

مصر نور عيونك

ونور عيوني

( إلى التنين العاشق)

atefazt 08/11/07, 07:41 am

يا عم انا حبتها خلاص انا لسه عايز دعوة علشان احبها انا بموت فيها اتبسط يا عم هههههههههههههه

التنين العاشق 10/11/07, 12:22 pm

اولا شكرا على الاهداء
ثانيا انت جمييل اوي يا استاذ / واحد بيحب مصر بجد انا في ناس هنا في المنتدى لهم معزات خاصة اولهم حضرتك واتمنى اني اشوفك قريب

يا عم انا حبتها خلاص