الاطفال في المنتدى خراب

لا المدير وظيفته ان العضو اللي يعمل حاجه يضربو عصايتين ويعمله احضار ولي الامر ورفد تلات ايام........... مدير ايه يجدعان متفتحوا دماغكم شويه وكمان انت عارف المدير ده مين بالنسبالي وكمان انا عايز اللي يرد يكون معرفني بنفسه انا مش ناقص ردود تحرق الدم من ناس مجهوله وبالذات لما تكون الردود لولبيه زي محنا شايفين ..

ما تقلقش يا حج طول ما فى ناس زيك فى المنتدى هيبقى فى الطالع ان شاء الله.

انما بالنسبه للعيال الى بتهرج دى زى ما انت قولت(دى ضريبه الانفتاح).

بس معلومه !!!
اى حاجه عايز نحافظ على ادائها لازم يبقى عليها رقابه.

انا معاكم طبعا في الرأي ..وعندي اضافه

الناس اللي بتعيش في الدور اوي ...تلاقي مثلا جملة اتقالت من غير قصد تحس ان مشايخ طلعو وهما ممكن يكونو ميعرفوش الظهر كام ركعه

انا عن نفسي بقيت اكبر دماغي اوي من الناس دي بس ساعات مش بقدر امسك نفسي ولازم اكتب كلمتين بايخيين

كعلش بردو المدير او المشرفين مش هيقعدو ليل ونهار يشوفو اللي بيتكتب ...وكمان اللي بيحترم بيحترم نفسه مش لازم نمسكله الفلكه

زي مقال مهند ....فيه ناس تقولك شوفت انا رديت على فلان وقولتلو ايه ...ههههه خفه خفه خفه ...حاجه توجع البطن ...وتلاقي دا بيتخانق معا ده عشان موضوع مكتوب في منتدى ...يعني مش مكتوب في الاهرام ولا الجمهورية ...ولا في كتاب التاريخ .....ارحمونا بقى ...وليد عملنا المنتدى ده وتعب فيه لحد موصل للشكل ده ....واظن ان العالم الهايفه والعيال قله مش كتير ....والمنتدى ماشي في خطى كويسة باعضاء كتير كويسه

الناس اللي بترد الردود دي ...غشم ... جلنفات ... عارفين الكومبيوتر على كبر والنت كانو يا دوب بيسمعو عنها
ميعرفوش ان رأيك اللي بيتكتب ناس كتير بتقراه منهم ناس محترمين وافاضل واباء كبار ...وميعرفش ان الناس بتيصلو من طريقة رده ...بس نعمل ايه بتلاقي ناس داخله بأسم لنعامه واللي اسمه القطه , .....الخ من الاسماء المستعاره زي اخونا الفنكوش اللي دخل بهدل الدنيا ومحدش عرف هوا مين

موضوع كويس جدا طرحه للنقاش ...اشكرك جدا مهند

شكرا ليك يا مهند على غيرتك على المنتدى لانه باسم بلدنا والناس ال انت تقصدهم حاسين انهم مش معروفين فحاولو يطبقو نظام خالف تعرف وهو ده ال عايزينه نتكلم عليهم حتى لو بالغلط ال بيعمللوه والله المستعان

والله كلام معقول بس مين اللي يسمع.هما زي ماتقول كده مش لاقيين مكان تاني يتكلمو فيه.اوبيلفتو اهتمام الناس ليهم,ياحرام سيبوهم يطلعو الكبت اللي عندهم يمكن يستريحو...ربنا يهدي الجميع[b]

استاذ مهند القاضي تحية طيبة قائد حملة نظفوا المنتدي ( كلام من قلبي وليس للسخريه)
هذا الكلام مكتوب عند المدير من شهرين وسوف احاول نسخ نسخة منه وقد حذرت المدير بهولاء اليذين يحاولن هدم المنتدي وكل كلامك صح ياستاذ وهل من مزيد

صورة من الرسالة التي ارسلتها لوليد في شهر 8

الحوا ده فعلا محتاج واقفه من اللي هيه دي...يعني..

يعني احنا لسه بنقول وبنتكلم عن الاسامي المبهـــمه..والردود السخيقه اللي ولا ليها اي لازمه من الاخر يعني..بالعكس بتنرفز...
.

يعني انت ردك كده بتقول انك مش فاهم يعني ...يعني الموضوع محتاج توضيح اكترمن كده ولا ايه حضرتك يعني ...؟يعني نقولك ايه بردو ..يعني ماتحرجش قووول..؟! ..انا مش فاهم في ايه؟!

عمالين نتكلم ونشرح وانت داخل بتقول من الاخر مش فاهم؟ هو في ايه
وبعدين يعني كاتب كلامك بخط كبييييييييييير وكاتب اسم الباشمهندس بخط صغير يعني قصد حضرتك المحترم ايه؟
ممكن توضحلي....؟

ياعم وليد ارحما بقي وكل مشرف يا جماعه يتصرف


وليا كمان تعليق علي حاجه
الاخ التنين العاشق يعني مش فاهم هو عايز ايه بالظبط؟
يعني بيوزع ايميله كده ولا كانه بيوزع لحمـــه راعي الناس اللي في المنتدي وصدقني اللي هيكون عايز يعرفك هيقولك ديني ايميلك
وبعدين انت حاسس انك بتطلع نار من مناخيرك مثلا ؟ يعني تنين وكده..؟!
يعني لا كاتب اسم ولا كاتب اي حاجه في التعارف
طيب اقول ايه اكتر من كده
وامثال كتير
وانا بجد مع مهند في رايه عن اخويا الصغير مصطفي طلعت انه فعلا مثال للشاب الصغير المحترم واللي دماغه فعلا عاليه قوي


عايزين حل يا جدعان تعبنا