افتح اكتر من مليون ياهو بدون برامج فى نفس الوقت

jar_el2mr 22/09/07, 12:54 pm

بسم الله الرحمن الرحيم

انا جايبلكم النهارده طريقه جميله اوى لفتح اكتر من ياهو على جهازك من غير ما تنزل برامج ولا توجع دماغك والطريقه دى ممكن يكون ناس كتير عارفنها بس اكيد فيه ناس متعرفهاتش .

الطريقه عن طريق اوامر التشغيل

ونبداء بشرح الطريقه

اولا: من قائمه ابدا start اختار الامر تشغيل run

ثانيا : اكتب الامر regedit ثم اضفط موافق يظهر لك قائمه على اليمين فيها اختيارات كتير اختار hkey_current_user بالضغط على علامه (+) اللى جنب الكلمه

ثالثا : سوف يتفرع منها عده اختيارات نختار منها software من علامه (+) بنفس الخطوه السابقه سوف تفتح لك قائمه اختيارات اخرى

رابعا : نختار من الاختيارات yahoo ثم يتفرع منه عده اختيارات نختار منها pager بالضغط على علامه (+) الموجوده على يمينها ونختار من القائمه المتفرعه منها test

دلوقتى وصلنا للمنطقه اخيرا اللى هنشتغل فيها دلوقتى هنقف بالماوس كليك ييمين على كلمه test ثم نختار جديد new ومنها نختار قيمه dword

خامسا : دلوقتى هتظهر عندك على الشمال عنصر جديد ومكتوب فيه قيمه جديده او متعلم عليه باللون الازرق ومتحدد قم بتغير اسمه او تغيير القيمه دى العنصر الجديد اللى اضفناه وخليه بالاسم plural

سادسا : بعد تغير الاسم وبقى زى ما قولنا plural هتضغط عليه كليك يمين وتختار كلمه تعديل او modify هتظهر لك مربع صغير مكتوب فيه من فوق اسم القيمه اللى ضفناها value name وهى plural

وتحتها مكتوب value data ومكتوب تحتها o خلى الزيرو دى رقم واحد 1 مع الحفظ على الجانب اليمين متعلم على كلمه hexadecimal ثم اضغط اوك :::::::::

بس وكده يبقى خلاص روح على الياهو وافتحه تانى هتلاقيه بيفتح معاك ياهو واتنين وثلاثه

وممكن تتبع الاوامر اللى اختارناها بطريقه مبسطه كاتالى :

<SPAN style="COLOR: #800080">start

أبو الفداء 22/09/07, 02:50 pm

إيه الحلاوة دي...

فعلا اشتغل معايا...

انا كنت أسمع قبل كده ان في برنامج تنزله وكده...

بس دي أسهل طبعا...

شكرا jar_el2mr...

reeman 22/09/07, 03:35 pm

[color=#000000]\وتحتها مكتوب value data ومكتوب تحتها o خلى الزيرو دى رقم واحد 1 مع الحفظ على الجانب اليمين متعلم على كلمه [color:5b5c=magenta:5b5c]hexadecimal ثم اضغط اوك :::::::::

\

معلش انا عملت كلو بس الحته دي انا مش فهماهه هي كلها 0 أخلي اي 0 فيهم 1 وبعدين فين hexadecimal
انا مش لقياها
..................... وشكرا جزيلا على البرنامج الحلو بس يريت ترد عليا

احمد طلعت 22/09/07, 04:24 pm

الله ...الله ... الله
موضوع جاااااااااااااااااااااامد
شغااااااااااااااااااااااااااااااااااال ...
شكرا jar_el2mr
فى انتظار المزيد

kota123 23/09/07, 04:31 am

طيب فى برنامج اسهل من ده كله

واللينك المباشر انا وضعته عشان الى يحب ينزل البرنامج يا جماعه مساحته 34 ك بايت يعنى هينزل فى ثوانى وجربو وشوفو

http://www.up1up2.com/download.php?filename=2c3bc0bc06.exe

تحياتى

jar_el2mr 23/09/07, 08:51 am

السلام عليكم

بصى ياريمان انتى لما تضغطى كليك يمين على القيمه اللى نضفناها اللى سمنيها باسم plural هيظهر ليكى قايمه اختارى منها كلمه modify اول ما تختارى الكلمه دى هيظهر عندك مربع صغير كده فيه شويه كلام وفيه مكتوب رقم صفر 0 غيرى الصفر دى اللى رقم واحد 1 فى المربع اللى على الشمال اما اليمين لازم تفضلى كلمه hexadecimal متعلم عليها ومتختاريش الكلمه التانيه اللى تحتها بس وتضغطى اوك .

على فكره ممكن يكون الوضع مختلف عندك لو كانت النسخه عندك عربى والكلام كله عربى لو كده ومعرفتيش ابقى قوليلى .

وعرفينى عملتى ايه .