عبد الجليل مفسر الأحلام

إشمعنى...عبد الجليل...يعنى!!!

إسمه كده أعمله إيه

انا حلمت انى واقف فى زحمه وناس كتيره وكل واحد شايل فى ايده فطيره
وواحد بس واقف فى مكان عالى ومعاه عسل والناس كله مستنياه عشان ينزل ويصب العسل او ينادى عليهم واحد واحد
ويصبلهم العسل
بس اقنع الناس بانه ياخد الفطير ويصب عليه العسل وبعدين يوزعه تانى عليهم
المهم خد الفطير وضرب عليه والناس ما نبهم الا مص ادهم
مين الشخص ده ؟وايه الناس البرده دى؟ وايه العسل ده ؟وايه الفطير ده؟ ومين انا؟


مع العلم هذا حلم (بس حلم يقظه) لانى مبقتش باحلم من ساعة ماخدو منى الشخشيخه
ياله يا عبد الجليل ورينى بقى التفسير

شوف يا عم عطشان

الشخص ده راجل عارف ربنا لما عرف أن الفطير معمول بالسمنة خاف على الناس من أمراض المعدة عشان كده خد منهم الفطير

والناس همه المؤمنين الصالحين اللي بيرضوا بقضاء الله وقدره

والعسل هو الطعم

والفطير هو المرض

وأنت واحد عايز تدخلنا السجن


وشكرا

أخوكم العفريت عبد الجليل

شكراً يا عم عبد الجليل على التفسير الجميل وانا اقتنعة لانى معنديش بديل
شكرا للوسيط واحد بيحب مصر الجميل
الذى بدونه لم نكن لنعرف عبد الجليل

العزيز عطشان على شط النيل

لا شكر على واجب

وبعدين إيه يا جماعة مفيش حد بيحلم وإلا إيه؟

ماشي يا سيدي ...

نألف لك ...أقصد نحلم لك حلم...

رأيت فيما يري النص نص(ولا نايم ولا صاحي) أني :
أقف في صحراء ظلماء...
أحس تحت قدمي بالرمال فأنظر فلا أرى سوى ظلال...

وأمد بصري فلا ينجلى نظري...

وما أمامي سوى ضباب...
والدنيا أمامي بلون الهباب...

وأشعر أني على حافة هاوية...

أسير إلى الأمام بلا رجوع...
يفط قلبي من بين الضلوع...

وفي كل لحظة أنتظر السقوط...

فما رأي سيدنا عبد الجليل في هذا الحلم غير الجميل؟؟؟

وأنا موافق يا عم رضا

السلام عليكم
هناك حلم كثيرا جدا من حلموا به
بل اكاد اجزم بأنه لا يوجد فرد لم يحلم به؟؟؟؟؟؟؟؟



وهو السقوط من مكان مرتفع !!!!!!!!!!!!


السبب ان الكل يحلم به ؟؟؟؟؟؟

انه يرجع الى العقل الباطن
فعندما تنام على وسادة وتتحرك رأسك ((تنزلق )) من على الوسادة
بضع سنتيمترات فأن العقل الباطن يشتغل ويهول لك الدنيا حتى تقوم من نومك مفزوع

لتجنب هذا الحلم ضع راسك على وسادة مريحه ولا تكون مرتفعه حتى لا تتزحلق رأسك

واحلام سعيدة

الحقيقة يا أستاذ محمد أنا كمان حلمت بالحلم ده بس لما سألت عبدالجليل مفسر الأحلام عن كده قال

السبب مؤتمر الحزب الوطني التاسع

أصل أنا شوفته على قناة المحور

والحق يتقال إن الكلام كان كبير أوي ويصعب على أمثالي فهمه

عشان كده حلمت إني بقع من فوق الكلام

مش أنا بس

ده كل الغلابة في بر مصر

وعجبي