رباعيات من زمن فات

واحد بيحب مصر 07/09/07, 01:19 pm

(1)

لو يا قلبى سمعت إنك في يوم حبيت
هقطعك فتافيت وأقليك في الزيت
ولو مش عارف الحب إسألني أنا
دنا ياما عن عذابه وألامه حكيت
(2)
في يوم نسيت وركبت الأتوبيس
ساعتها حسيت إني هموت فطيس
سألت واحد محشور في جنبي
إنسان أنا وإلا أنا عود سريس ؟
(3)
في يوم صحيت من النوم أزعق وأقول
أنا مش إنسان جبان أنا غول
طلعلي فار من تحت السرير وبصلي
إترعبت ونطيت من السرير على طول
(4)
مش عارف أنا إيه
حرامي أنا وإلا بيه
وإلا يمكن إنسان ....
مش فاهم اللي حواليه

زائر 28/10/07, 12:02 am

ده رد مني على التلات اجزاء وبقولك بجد انت فنان يبشمهندس والله

أشرف عبد الجليل 28/10/07, 12:26 am

لا تعليق .....................................
الموهبة واضحة رغم ان الفكرة مستوحاة
في مرة كنت اناواحد اقاربي وهو الاستاذ / عمرو سلام مصور في النليفزيون نستمع الى احدى القصائد التي كتبها احد الجيران والتي اقتحم بها عالم الشعر والادب كما فعل الهكسوس في مصر قال فيها :
كنت فتاة هبارا
فذهبت مع الزمان ديارا
فقال له عمرو لقد اتيت بصورة فنية لم يسبق اليها احد وهي الكنانة المكنية فانفجرنا ضحكا فعضب الرجل وخاصمني فترة طويلة . فمن يومها اقسمت الا ابدي راي في قصيده
لكن الامر يختلف مع شاعر واعد متوعد مثلك يا من تحب مصر