الحدق يفهم!!!!!!!!!!

محمد عماد بيومي حسن 19/01/08, 03:28 pm

خبر عاجل:فى انقلاب غير دستورى قام جامعاوى بالإستيلاء على الحكم أول امبارح العصر
جامعاوى:لالالايابوش..أنا زعلان منك خالص ياراجل..إيه ياعم شغل الستات اللى انته عامله ده..أنته جاى تولع المنطقة والا ايه
عمال تأسفن وتزنبك فى إيران...وأولمرت يسخن م الناحية التانية..أنا على فكرة ماكنتش ناوى أروح أجيبك م المطار لولا العيبة..أنا برضة قلت ياواد عيب ده فى بلدك برضه
بشبوش:بص خبيبى ..أنته هتخاربوا إيران يعنى هتخاربوا إيران
جامعاوى:نخارب مين ياعم الحج..ده الواد نجاد ده لاسع وما يعرفش أمه..وبعدين ده عنده نووى
بشبوش:أنته بتصدك خبيبى..ده كلام اخنا نكولوا بس..لكن هو كان سيضام أندوا نووى لما نيجاد يبقى أندوا
جامعاوى:إيه اللى جاب سيرة صدام دلوقتى بس ..ماتسيب الراجل نايم فى تربته
بشبوش:أنا خبيت بس أفكرك..وألا فى خد فيكو يخب ينزل الخفرة
جامعاوى:حفرة لما تخدك
بشبوش:أنته تكول هاجه جامعاوى
جامعاوى:أنا أكول ربنا يخليك مستر بوش ويخليك ل....
بشبوش:ماتجيبش سيرة الماما بتاع أنا جامعاوى .....والآ تهب أوريكى شغلك
جامعاوى:لالا يابشبوش..أنا غير العالم اللى أنته جاى من عندهم خالص..أنا ولا أبويا كان ريس ولا عامل أنقلاب على عمى..أنا
جاى من قاع المجتمع..يعنى مش باكى ع الكرسى..يعى أقوم الصبح أجيب عليه مقص ومشط وأقلبها صالون حلاقة
بشبوش: سالون خلاكة دى إيه يا جامعاوى ..أنتى عبيطة..أنتى تخرجى من هنا على مشنكة عدل زى صاخبك صدومه
جامعاوى:الغرابة بس أنته يابوش طابعك حامى ياأخى ..هو الواحد مايعرفش يتفك معاك بكلمتين..ماشى ياآبه..إيران أيران خليها تخرب
إما أشوف هترسى معاكوا على إيه..بس يكون فى علمك..أنا مش هحرك عسكرى إلا إما تعرقنى..ومش تقولى لما نكسب ولما نتهبب ..لأ...يعنى توتو على كابوتو
بشبوش:توتو إيه..وكابوتو إيه ياخمارة إنتى...هو يختل جزر إمارات..إنتى إبعتى جيش يخرر الأمارات
جامعاوى:يخرر إيه بس الله يقرفك..ع العموم خلاص..اتكل على الله انته دلوقتى شوف وراك ايه وسيبنى عشان عايز أقول بيان للشعب
بس أسمع..الله يكرمك لما تيجى تانى متجيبش كوندليزا معاك..عشان وشها فقر عليه ..آخر مرة جت العربية اتخبطت منى ومن ساعتها عند السمكرى
بيان عاجل:أيها السادة المواطنون لقد تعودنا دوما أن نجلس معا لنتحدث سويا وبصراحة فى أوقات الشدة..لقد دأبت الدولة الأيرانية على استفزاز جيرانها العرب من كل الأتجاهات..ولقد ناشدت الرئيس نجاد أكثر من مرة..وبعت له أكتر من مسج..ولكنه كان قافل موبايله وبيستعبط وعامله خارج نطاق الخدمة..لذا فقد كتب علينا أن نقاتل..سنقاتل من أجل اتفاقية الدفاع المشترك..سنقاتل من اجل الدم العربى..سنقاتل إذا كان القتال فريضة..والله أكبر والعزة للعرب
وهنا يدخل صوت ياسمين الخيام(إخواتى فى المنطقة والدين والأنسانية جه الزمان وهمه اللى جاروا عليه)