الجوهر ولا المظهر؟؟"مناقشه

ERAGON 02/01/08, 03:41 pm

السلام عليكم ورحمة الله وبركاته اخواتى واخوانى

مش عارف اناحبيت اسالكم السؤال ده
وياريت تناقشوه معايا

ياترى احنا بنختار فى حياتنا على اساس ايه الجوهر ولا المظهر ؟
ولا بنحاول نوفق بينهم ؟

ياريت نتكلم بصراحه نختار ازاى اصحابنا احبابنا شركائنا فى رحلة عمرنا

ازاى جوهر ولا مظهر ؟؟

جويرية 04/01/08, 11:40 pm

وعليكم السلام ورحمة الله وبركاته

هو موضوع حضرتك فعلا موضوع بيطرح قضية مهمة

وانا من وجهة نظرى ان الانسان بجوهره وليس بمظهره

فيقول الرسول صلى الله عليه وسلم ان الله لا ينظرالى صوركم ولكن ينظر لقلوبكم

فالمفهوم من الحديث ان الله يقيم الانسان بعمله وجوهره وليس بشكله او مظهره
فمن الممكن ان ترى انسان مظهره حسن ولكن قلبه يمتلىء بالحقد والحسد ويكون انسان صفاته سيئة

وممكن ان ترى انسان اخر ليس مظهره حسن ولكن عندما تتحدث معه تجد منه كل خير ويكون انسان قلبه ملىء بالحب لكل الناس ولا يحمل حقد ولا حسد لاى انسان

*ان اكرمكم عند الله اتقاكم

*لا فضل لعربى على اعجمى الا بالتقوى والعمل الصالح

*ليس الجمال باثياب تزيننا انما الجمال جمال العلم والادب

فالانسان بعلمه وادبه واخلاقه وليس بمظهره فالمظاهر عادة ما تكون خادعة زائفة

وانا عن نفسى باختار اصدقائى على اساس الجوهر وليس المظهر لان الصديق هو معين صديقه على الخير والطاعات فما فائدة الصديق الحسن المظهر الذى لا يعينك على الطاعات والعبادات واداء الخير

ومش معنى ذلك ان احنا نختار اصدقاء مظهرهم مش حسن فالصديق الذى جوهره حسن اكيد هيكون مسلم وعارف ان الاسلام بيدعونا للنظافة والاهتمام بمظهرنا فاكيد الانسان حسن الجوهر هيكون حسن المظهر

وانا عن نفسى اصدقائى هما نفسى هما مرايتى وانا بحس انهم اخواتى وكمان بحس ان شخصيتنا واحدة وتفكيرنا واحد وانطباعنا عن اى شىء بيكون واحد وكمان لما واحدة فينا بتبقى سعيدة كلنا بنبقى سعداء وكمان لو واحدة عندها مشكلة او حزينة كلنا كمان بنحس بالحزن و اصدقائى على قدر عالى من الدين والادب والعلم فبجد احنا بنشجع بعض على الطاعات وكمان لان فكرنا واحد اما بيبقى فى مشكلة عند اى واحدة فينا بنحكيها لبعض ووالله بنوصل لاحسن الحلول وكمان اما بنبقى فى الامتحان واللهى بندعى لبعض بصدق ان اللى مش عارفة اجابة اى سؤال ربنا يذكرها بيها وبنتمنى الخير لبعض وانا اما اخترت اصدقائى اخترتهم على اساس الجوهر وهما مع ذلك مظهرهم حسن

اما بقى بالنسبة لاختيار شريك العمر انا بفضل ايضا انه يكون الاختيار على اساس الجوهر لان شريك حياتك هو الانسان اللى هتكمل معاه باقى عمرك فلو الا نسان اختار على اساس المظهر فى سن الشباب هل يتخيل ماذا سيكون شكل شريكه فى الشيخوخة

انما لو الانسان اختار شريك حياته على اساس الجوهر هيظل على نفس الحب لشريك حياته حتى عندما يكون فى مرحلة الشيخوخة

وفى النهاية بقول ان الانسان ليس بشكله ومظهره بل بجوهره واخلاقه وروحه الحسنة لاننا كلنا من خلق الله وجميع خلق الله فى الشكل حسن

فيقول الله وخلقنا الانسان فى احسن تقويم

ودى وجهة نظرى الشخصية ويا ريت محدش يزعل منها

اميرة الرومانسية 05/01/08, 02:47 am

هو فعلا الجوهر اهم شى بس المظهر مطلوب بردوا

ERAGON 07/01/08, 04:23 pm

شكرا جويرية وشكرا أميرة الرومانسية على المرور,الردود رائعة

الجوهر ولا المظهر؟؟"مناقشه

الجوهر ولا المظهر؟؟"مناقشه

رد: الجوهر ولا المظهر؟؟"مناقشه

رد: الجوهر ولا المظهر؟؟"مناقشه

رد: الجوهر ولا المظهر؟؟"مناقشه