تعاله اقولك مين المصرى؟؟

shetos 07/11/07, 06:45 pm

وهو اللي لو لقى الدنيا بتشتّي يجري يخبّط عليك يقولك لمّ الغسيل

وهو اللي لو شم عندك حاجة بتتحرق يجري يطمن عليك لا تكون اتخنقت

وهو اللي لو سمع صوت زعيق وخناق عندك يجي يصلح

وهو اللي لو لقى خناقة في الشارع يقف يحوش مش بس يتفرّج

وهو اللي لو لقى حد بيغرق يجري ينط في الميه حتى لو هيغرق معاه

وهو اللي لو اتفرط منك كيس الجوافة في الشارع يقف يلمّ معاك

المصري هو اللي لو حس انك مزنوق يعملك جمعية مخصوص و يقبّضك الأول

و هو اللي يقف معاك في الأحزان و الأفراح زي مايكون من بقية اهلك

و هو اللي يلمّلك من الركاب فلوس لو مرتبك اتسرق منك في الأتوبيس رغم انه مايعرفكش

و هو اللي لو لقاك في مواصلة و كان عارفك يحلف ميت يمين ليدفعلك الأجرة حتى لو مافيش في جيبه غير نص جنيه

المصري اللي يشتري بالونات لولادك في العيد

المصري اللي يقف جنبك وانت بتدبح الاضحية

المصري اللي يباركلك لما ابنك يجيب مجموع ويساعدك يجيبله شغلانة

المصري اللي ييجي يقولك تجيب كشاكيل و أقلام بالجملة عشان توفر المصاريف

طيبة المصري مش ممكن تلاقي زيّها فى اي بلد تانية

__________________

ليست مشكلتي إن لم يفهم البعض ما اعنيه..
فهذه قناعاتي .. وهذه افكاري .. وهذه كتاباتي بين يديكم
أكتب ما اشعر به .. وأقول ما أنا مؤمن به ..
ليس بالضرورة ما أكتبه يعكس حياتي ..الشخصية
هي في النهاية مجرد رؤيه لأفكاري...!!

عايز تصلى بخشوع ونفسك تحس إنك بتصلى ، صلى وكأنك واقف أمام الكعبة وملك الموت من خلفك وكأن الجنة عن يمينك والنار عن شمالك والصراط تحت قدميك وكأن رسول الله صلى الله عليه وسلم يتأملك ....انشرها واسأل الله ان يتقبل صلاتى وصلاتك