رد: .....الديســلام هو الحل...(قصة مسلسلة)

أبو الفداء 07/09/07, 05:46 pm

إلى الصقر الأبيض...

حول...

بلغ المطافي بسرعة...

_____________________
sha2lan...

فعلا...أنا تلميذ من تلاميذ د.نيبل فاروق

شكرا لك...
__________________
واحد بيحب مصر...

لن أستطيع أن أكافئك ردك...
____________________
حضرت المتهم ابى...

ههههههههههه...

ماشي ...

أنا عليا الكتابة ...وانت عليك دار النشر... Laughing

شكرا...
________________
فارس بلا جواد....

شكرا جدا جدا...

أبو الفداء 07/09/07, 07:03 pm

المشهد السابع

البيان الختامي

هدأت الجموع بعد شوط طويل من الهتاف ...

وحان وقت البيان الختامي...

نظر"أحمد عبد البادي" إلى جموع أعضاء المنتدى الواقفين أمامه في وضع التحفز، ثم بدأ في إلقاء البيان الختامي للمظاهرة:

"أيها الإخوة والأخوات ...

نجتمع اليوم لنضم أصواتنا إلى أصوات المتضررين من سوء خدمة النت في العالم...

كيف نكون في دولة متحضرة مثل هذه الدولة العظيمة ، ثم نمكث باليوم واليومين ولا نستخدم النت...

ده حـــرام....حـــرام...حرام"

ضج الجميع يهتفون:

"حرااااااااااااام....حرااااااااااام....حراااااااااام"

في هذه اللحظة كان الضابط والغفر يقفون قريبا من المتظاهرين ، ويمسك الضابط اللاسلكي بيده ، ويتكلم عبره بكلمات قصيرة، ويتابع ما يحدث في اهتمام وتحفز ...

كانت الجموع مازالت تهتف :"حرااااااام

فأشار إليهم "وحيد" ليستمعوا...

فتوقفوا فتابع "أحمد عبدالبادي":

"يجب أن نطالب بحقوقنا...

يجب أن يكون الديسلام خاليا من العيوب...

يجب أن لا تكف كيبورداتنا( keyboards)عن التكتكة ....

يجب أن لا تكون إيميلاتنا خالية...

سنناضل...وسيتم تصعيد الموضوع إلى أعلى مستوى...إلى الأمم المنشكحة...

فإن هذا الـ.....

قطع صوته هدير محركات تلك السيارات الضخمة بلونها المميز الأخضر الغامق، فتعلقت بها الأبصار لوهلة ... وفي اللحظه التالية أفاقت الجموع على منظر أشباح سوداء تتقافز من السيارات المصفحة...

وكما يقولون بالعامية"وعينك ما تشوف إلا النور"...

انهالت هراوات ضخمة على الأجساد...

علا صوت تأوهات وأنين...

الأشباح تحيط بالمكان إحاطة السوار بالمعصم...

حلق الضباب بأجنحته الترابية فوق الساحة...

وتم كل شيء في وسط الضباب الغباري...

وبعد حوالي عشرة دقائق...

انقشع الغبار فكشف عن أجساد ملقاة على الأرض منهم من يتأوه ومنهم من يتحرك ومنهم من استطاع أن يلوذ بالفرار...

لم تكن الإصابات مميته...

وجاءت سيارات الإسعاف...

ولكن كان هناك مشكلة واحدة فقط...

أن هناك ثمانية اشخاص كانوا قد اختفوا باختفاء الأشباح داخل السيارات ...

وبعد انصراف السيارات لم يكن لهم أدنى أثر...

على الإطـــلاق...!!!

احمد عبد الهادي 08/09/07, 10:04 am

انا كان قلبي حاسس انك هاتوديني ف داهية

المهم يا عم زي ما دخلتني تخرجني تاني (انا طبعا من ضمن الثمانية اللي اختفوا)

عموما انا مستني الجزء اللي بعده علشان اعرف اخرتها ايه

وربنا يجيب العواقب سليمة

عبدالرحمن 08/09/07, 01:16 pm

قصة جميلة

أبو الفداء 08/09/07, 05:22 pm

معلش يا عم أحمد... cooool

ده ثمن الثورجة...

عاملى نفسك زعييييم...

هههههههههههههه

بس متخافش... cooool

خليك معايا بس... ضحك هستيرى

أبو الفداء 08/09/07, 05:26 pm

حضرة المتهم...

أنت أجمل...

شكرا

أبو الفداء 08/09/07, 05:35 pm

المشهد الثامــــن

بعــد الواقــــعة

الساعة السابعة مساء...
في جنينة مركز الشباب بمدينة "اسطمها"...
اجتمع عدد من أعضاء المنتدى ...
كان الصمت يلف المكان فلا يسمع إلا صوت سيارة غادية أو رائحة، وقدا بدأ النهار يلملم أخر أشعة شمسه الذهبيه...
كانوا يفكرون فيما حدث من أحداث ...

ولم يجرؤ أحدهم على قطع الصمت ، فالكلام في مثل هذه المواقف إما أن يكون كلاما في الصميم أو يكون الصمت أثمن من الكلام...

"احنا لازم نعمل حاجة"

خرجت هذه الكلمات من بين شفتي "مهند سعيد"وقد بدت علامات الاهتمام على وجهه ، فاتجهت إليه أنظار البقية ، ورأوه يمسك نظارته الطبية بيده وهو يكمل:
"من الصبح واحنا مستنيين ومفيش أي أخبار...
طيب الناس اللي متعورين ومصابين أدينا شوفناهم واطمننا عليهم...والحمدلله إن مفيش إصابات خطيرة...
لكن اللي اتاخدوا النهاردة دول ممكن نعمل إيه عشانهم؟؟؟"

مرة أخرى فرض الصمت نفسه على المكان...

فقال "مصطفى عين" :
طب ياجماعة نشوف كده أي إقتراح...
محدش عنده اقتراح؟؟...
أنا حاولت النهارده أتصل بواحد معرفة في الشرطة ، لكن تليفونة مبيردش من الصبح...
حد عنده اقتراح؟؟؟

حك "محب مصر" شعرات ذقنه القصيرة وهو يقول:
"أنا والدي عرف بالحكاية...وهو بيحاول يشوف طريقة عشان نطمن عليهم...بس لغايه دلوقتي مفيش أخبار..."

كان "أحمد عبد السميع القاضي" يتابع الحوار في اهتمام ثم اعتدل في جلسته وقال:
"طب ياجماعة إحنا مفيش في إيدينا حل غير الانتظار...
نستنى لبكره الصبح وبعدين لو مظهرش حاجة ممكن نشوف طرق تانية

أطرق الجميع رؤوسهم ، وقد داخلهم شعور فظيع بالعجز ، وكل منهم يفكر ما الذي بإمكانهم أن يفعلوه حيال هذا الأمر ، وخاصة أنهم لايعلمون إلى أي مدى يمكن أن تتطور الأمر...

وبينما هم كذلك إذ أقبل عليهم "أحمد طلعت" لاهثا كما لوكان مشاركا في سباق للجري ، فوقفوا جميعا لاستقباله ظنا منهم أن لديه أخبارا...فسلم عليهم واحدا تلو الآخر ثم سحب كرسيا وجلس بينهم وهو يلتقط أنفاسه...

تأهب الجميع وهم ينظرون إليه وينتظرون كلامه...

أحس "أحمد طلعت" بهم ينظرون إليه ، فاستغرب ذلك، وقال:
إيه ياجماعة انتوا بتبصولي كده ليه؟؟؟

بدا عليهم خيبة الأمل ، فقد أدركوا أن ليس لديه أية أخبار، وإنما جاء مسرعا ليلتحق بموعدهم...

وسأل"أحمد طلعت" مستفسرا:
مفيش أي جديد؟؟

رد عليه "مصطفى عين" بفتور:
ده احنا حسبنا ان انت اللي عندك جديد...أما شوفناك جاي بسرعة كده...

فتلون وجه"أحمد طلعت" بعدة ألوان خجلا ،وظهر ذلك بشده على بشرته البيضاء، فابتلع ريقه وقال:
معلش يا جماعة ان كنت خضيتكوا...بس أنا كنت متأخر فجريت بسرعة عشان ألحقكوا...

قال "مهند سعيد" وهو يلوح بيده:
"لا عليك...
ثم تنهد وهو يقول:
"هه يا جماعة خلاص ...مفيش حلول..."

تكلم "مصطفى عين" وكأنما طرأت على ذهنه فكرة:
"أحنا ليه يا جماعة منسألش عنهم الضابط بتاع النقطة هنا...
تبادل الجميع النظرات وهم يفكرون ، لماذا لم يفكروا في هذا الأمر من قبل...

قال "أحمد عبد السميع" بحذر:
طيب هو ده ممكن يفيد؟؟؟

رد "محب مصر" موافقا لرأي "مصطفى عين":
أظن إنه ممكن يفيد في الوقت اللي احنا فيه مش قادرين نعمل أي حاجة... وأهو لو حاولنا مش هانخسر حاجة...

رن جرس هاتف "مصطفى عين" المحمول فأخرجه من جيبه ونظر إلى شاشته فعلم ان المتصل هو " شهلان "، فضغط على زر الرد ودار الحوار السريع التالي:

"مصطفى عين" :
وعليكم السلام..

"شهلان":
................

"مصطفى عين":
لا مفيش أخبار...

" شهلان ":
....................

"مصطفى عين" :
أدينا قاعدين بنفكر أهوه..

" شهلان ":
....................

"مصطفى عين":
ماشي..
هبقى أتصل عليك في الكافيتيريا لو فه جديد...
سلام

وأغلق "مصطفى عين" الهاتف ثم توجه إلى الأعضاء بالكلام موضحا لهم:
ده " شهلان "...بيسأل...

ثم عادوا إلى حديثهم ، فقال "مهند سعيد " موافقا:
أنا موافق على اقتراح "مصطفى عين"...إيه رأيكوا انتوا؟؟؟

قال "محب مصر" في نشاط:
وأنا كمان موافق...

وسارع بقية الاعضاء إلى الموافقة...

قال " مهند سعيد"وقد بدا السرور على وجهه:
ماشي...وأنا عن نفسي مستعد أروح بكرة الصبح ...
أنا أصلا عندي أجازة بكرة ...

أبدى الجميع موافقة واتفقوا على ذهاب " مهند سعيد"في الصباح...

قال "أحمد طلعت" ممكن تاخد معاك أي حد تاني كبير...مثلا والد"أبو النداء" أصل هو من الصبح عمال يتصل على يسألني على الشباب...

فكر " مهند سعيد"لوهلة ثم قال :
جميل جدا...ماشي...

أنا هتصل بيه النهاردة وارتب معاه على بكرة الصبح...

وقاموا جميعا لينصرفوا...

وقد بدا أمامهم بصيص من الأمل...

عبدالرحمن 08/09/07, 07:02 pm

المنتدى من غير قصصك الجميلة يبئقى منتدى وبس
وبوجودك يبئقى منتدى اسطنها
والى الامام دائماااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا
برافو عليك شطووور

mohamed faramwy 08/09/07, 07:19 pm

ياعم ابو الفداءء انت وديتنا في داهيه بس انا حلمت اننا في مكان ابيض في ابيض وكله هدوءء وفي ناس عماله تخدم علينا لحد ما الواحد زهق من الراحه المكان هنا ريحته حلوه ... وفي انتظار العوده ضحك هستيرى

أبو الفداء 08/09/07, 09:25 pm

حضرة المتهم...

أظن أن هذه مبالغة كبيرة جدا Embarassed

...

شكرا...

أبو الفداء 08/09/07, 09:27 pm

mohamed faramwy...

هههههههههههههههههه

حلمك شكله هيتحقق... cooool

بس فيه تغييرات بسييييييييييطة جدا... cooool

هتعرفها بعدين...

خليك معايا...

وأنا هطلعك منها... cooool

أبو الفداء 08/09/07, 09:30 pm

mohamed faramwy...

نسيت أقوللك إنك... Laughing

من ضمن الثمانية... خوف

الكبار...

قصدي ...

اللي اتاخدوا... cooool

ميدو 09/09/07, 01:14 am

السلام عليكم

انا اسف على التاخير يابو الفداء فى الايام الاخيره

ولكن بجد القصه بتاعتك دى عملت ضجه كبيره اوى

بس يابو الفداء انا مش عايزك تقللق خالص هجيبلك العيش والحلاوه على المكان اللى بالى باللك cooool

أبو الفداء 09/09/07, 03:11 pm

نسيت أقولك انت كمان يابيدو...

إن حضرتك مشرف مع شلة الأنس... cooool

عالبورش... ضحك هستيرى

يعني هنقسم العيش والحلاوة سوا... ضحك هستيرى

أبو الفداء 09/09/07, 03:19 pm

المشهد التاسع

هناااااك....!!!

**

معــــــذرة...!!!

**

تم إلغاؤه من قبل الرقابة خوفا على الأطفال الصغار، وبسبب ما فيه من مشاهد غير مرغوبة ، وكذلك حفاظا على ماء الوجوه

ممكن تبقوا تتابعوه على روتانا

في الأفلام الممنوعة من العرض

ومحدش يسألني:إيه اللي جرى...هنااااك...!!!

sha2lan 09/09/07, 05:25 pm

عليا الطلاج انت اتخضيت هناااااااااااااااك

fanan today 10/09/07, 02:17 am

علي فكره القصه جاااامده جدا وفيهاعبقريه الكاتب الحقيقي

محمد عماد بيومي حسن 10/09/07, 12:47 pm

اهلا بيك يابو الفداء في وسط الكتاب والمفكرين والمغزي بتاع القصه جامد جداااااا برافو عليك شطووور

أبو الفداء 10/09/07, 02:06 pm

sha2lan...

شكللك رحت هناك قبل كده... cooool

وعارف...

أبو الفداء 10/09/07, 02:07 pm

فينك من زمان يا فنان...

شكرا على التعليق Laughing

أبو الفداء 10/09/07, 02:08 pm

محمد عماد بيومي حسن...

شكرا لك... بيطلع لسانه

أبو الفداء 10/09/07, 04:09 pm

المشهد العــــاشر

وســــام

في اليوم التالي...

استيقظ "وسام" من نومه وأخذ يتحسس رأسه خلال تلك اللفة الكثيفة من الشاش التي تحيط بها ، وأخذ يتذكر ما حدث بالأمس، وكيف أنه استطاع الفرار بنفسه تحت ستر الغبار ، فهو يعرف أن هذه السيارات الخضراء إذا جاءت فإنها تأخذ "العاطل في الباطل" ...

أعد لنفسه كوبا من الشاي ، وأخذ يرتشفه في بطء...

ودار في خياله ما سيحدث للذين أخذتهم السيارات الخضراء،بناء على قصص سمعها سابقا ، فسرت رجفة باردة في جسده ، وأصابه حزن ...

فهو قد يكون مسؤولا بشكل ما عما حدث لشباب أهل مدينته....

وبدا عليه التفكير...

وفي لحظة واحدة قرر الذهاب إلى "النقطة" والسؤال عن شباب المدينة الذين أخذتهم السيارات بالأمس وخاصة أنه كان على معرفة سابقة بالضابط...

فارتدى ملابسه ثم مضى مسرعا نحو "النقطة" وفي طريقه التقى بوالد أبو النداء و "مهند سعيد" متجهان أيضا إلى النقطة ويبدو الهلع والحزن على وجه والد "أبو النداء"...

فسلم عليهما وقال :
"هه ؟؟إيه الأخبار؟؟ مفيش جديد عنهم؟؟"

فرد عليه أبو"أبو النداء" في حزن:
"لا والله يابني...أنا من امبارح وأنا مش عارف أعمل حاجة...وفي الآخر قلت أروح"النقطة"أسأل.."

كان "مهند سعيد" ينظر إلى "وسام" نظرات نارية ...تجاهلها "وسام" ثم قال وهو يجذب والد "أبوالنداء" من يده:
"يللا بينا بقى ...أنا كمان رايح أسأل عنهم..."

دخل ثلاثتهم إلى النقطة وطلبا مقابلة الضابط ، فانتظرا لمدة ثم سمح لهم بالدخول...
دخل الثلاثة إلى غرفة الضابط والاهتمام باد على وجوههم ، وقابلهم الضابط بالترحاب...

الضابط:
"اتفضلوا...أهلا أهلا...إزيك يا أستاذ"وسام"..."

"الأب" وهو يتقدم ليجلس على الكرسى أمام مكتب الضابط:
"إيه الأخبار يا فندم...أنا ابني مالوش في الكلام ده....ده احنا ماشيين جنب الحيط..."

لم يتكلم "مهند سعيد" وهويجلس إلى الكرسي الثالث أمام مكتب الضابط ، فقد ترك الكلام لـ"وسام" فقد بدا أنه على سابق معرفة بالضابط...

قال "وسام" وهو يعدل ياقته:
يا فندم الأولاد دول مالهمش دعوة بأي تنظيمات...والكلام اللي اتشاع عنهم في البلد ده غير صحيح بالمرة...

نظر إليه الضابط في شك:
"وقال وانت إيش عرفك؟؟؟....ده أنا سمعتهم بنفسي بيرددوا الهتاف بتاعة الجماعة المحظورة..."

قال "وسام" وقد بدت شبه انفراجه على ملامحه:
قصدك يافندم "الديسلام هو الحل"؟؟

فسارع الضابط وكأنما تصيد خطأ له:
أديك قلتها بلسانك أهوه...

أستكمل " وسام" كلامه:
يا فندم دول كانوا بيقولوا ...الديسلام...

قال الضابط وهو يستوضح الكلمة:
إيه ؟؟؟ االد...الد...الديسلام..؟؟؟!!

ثم تساءل:
ويطلع إيه الديسلام ده بقى؟؟؟

رد وسام في سرعة:
الديسلام ده هو الجهاز الرئيسى الموجود في السنترال واللي بيقوم بتوزيع خطوط الانترنت على التليفونات...

بدا الاستغراب على وجه الضابط فسأل:
طب وإيه اللي خلاهم يعملوا كده؟؟؟

كان الأب يتابع الكلام في دهشة....فهو أول مرة يسمع عن... الديسلام...

تابع "وسام" وقد بدا الإحراج على وجهه :
في الحقيقة ...في الفترة الأخيرة.... "جهاز الديسلام بقى "بيهنج" ...قصدي بيعطل كتير...وده غصبن عنى...والله غصبن عنى... وساعات يكون العيب من الشركة...وده بقى بيأثر على سرعة النت في البلد، والبعض بقى مستاء من الخدمة...

أخذ الضابط يهز رأسه علامة الفهم...

حانت لحظة صمت، بدا فيها التفكير على ملامح الضابط...

ثم لانت ملامحه وهو يقول لـ"وسام":
"كويس ان وضحتلى الأمر ده دلوقتي..."

تكلم الأب في لهفة وقال:
أي والله يا بيه دول مظلومين...

نظر إليه الضابط وقال:
طيب متخافوش ...روحوا انتوا دلوقت واحنا هنعمل التحريات ...وهنقوم باللازم...

سارع الأب مستعطفا:
أي والله يا باشا...أصل الدراسة هتبدأ قريب....ودول ولادك برضه...خلى بالك منهم

تبادل الجميع السلام ، ثم خرجوا من "النقطة" ، وكان "وسام"منشرح الصدر ،يحس أن حملا ثقيلا انزاح ن صدره

ونظر إليه والد "أبو النداء" قائلا:
انت راجل شهم يا بني...أنا مش عارف أشكرك إزاي

"اعتدل وسام في وقفته وقال :
المهم يا حاج انهم يكونوا بخير وييجوا بالسلامة

ونظر إليه "مهند سعيد" وقد تبدلت مشاعره تجاهه ، وقال شاكرا:
شكرا لك يا أستاذ "وسام"

وافترق ثلاثتهم...

عبدالرحمن 10/09/07, 04:32 pm

حلوة يا ابو الفداء
وعقبال الكتاب الحقيقى
برافو عليك شطووور

دمعة عين 10/09/07, 07:39 pm

انا بعتزر ليك ابو الفداء على التاخير فى الرد والمشاركة فى المسرحية الرائعة دى وبجد اشكرك على الاسلوب المبدع والواعى والهادف دة وياريت متكونش دى اول واخر مسرحية ونشوف اعمالك بعد كدة باستمرار لانها فعلا رائعة وشكرا مرة تانية .

.....الديســلام هو الحل...(قصة مسلسلة) - صفحة 4 1910

mohamed faramwy 10/09/07, 10:38 pm

شكرا يابو الفداء على المشهد العاشر
وانت بردو مبعتش العيش والحلوة
ههههههههههههههههههههههههههه
انا جعــــــــــــــــــــــــان
lol!